ബോഡിസ്യൂട്ടുമായി അധ്യാപിക, ആ ദിവസം ടീച്ചറെ കണ്ടവരുടെ മനസ്സില്‍ നിന്നും ആന്തരികാവയവങ്ങളുടെ സ്ഥാനം മാഞ്ഞുപോക യില്ല, ഉറപ്പ്!
നിരവധി അധ്യാപകര്‍, തങ്ങള്‍ പഠിപ്പിക്കുന്ന വിഷയം കുട്ടികള്‍ക്ക് വേഗത്തില്‍ മനസ്സില്‍ പതിയാന്‍ വേറിട്ട രീതികള്‍ പരീക്ഷിക്കാറുണ്ട്.
അവയില്‍ പലതും പലപ്പോഴും വാര്‍ത്തയില്‍ ഇടം നേടാറുമുണ്ട്. സ്പെയ്നില്‍ നിന്നുള്ള വെറോണിക്ക ഡൂക്കെ എന്ന അധ്യാപികയാണ് ഇപ്പോള്‍ വാര്‍ത്തകളില്‍ ഇടം നേടിയിരിക്കുന്നത്.
കുട്ടികളെ അനാട്ടമി (ആന്തരിക ശരീരശാസ്ത്രം) പഠിപ്പിക്കാന്‍ മനുഷ്യ ശരീരത്തിന്റെ ആന്തരിക അവയവങ്ങളുടെ ചിത്രം പ്രിന്റ് ചെയ്ത ബോഡി സ്യൂട്ട് ധരിച്ചാണ് ഇവര്‍ ഒരു ദിവസം ക്ലാസില്‍ എത്തിയത്.
ശാസ്ത്രം, ഇംഗ്ലീഷ്, സ്പാനിഷ്, ആര്‍ട്ട്, സാമൂഹ്യ ശാസ്ത്രം തുടങ്ങിയ വിഷയങ്ങള്‍ പഠിപ്പിക്കുന്നതില്‍ 15 വര്‍ഷത്തെ പ്രവര്‍ത്തിപരിചയമുള്ള അധ്യപികയാണ് വെറോണിക്ക ഡൂക്കെ. 43-കാരിയായ ഇവര്‍ ഇന്റര്‍നെറ്റില്‍ നിന്നാണ് ഇത്തരത്തിലുള്ള ഒരു വസ്ത്രത്തിന്റെ പരസ്യം കാണുന്നത്. ഈ സ്യൂട്ട് ഉപയോഗിച്ചാല്‍ കുട്ടികള്‍ക്ക് ബയോളജി പഠനം രസകരവും അനായാസവുമാവും എന്ന ആശയത്തിന്റെ പേരിലാണ് അവര്‍ അത് തിരഞ്ഞെടുത്തത്.
വെറോണിക്കയക്ക് ഒപ്പം ക്ലാസില്‍ എത്തിയ ഭര്‍ത്താവാണ് ശരീരഘടനാചിത്രം പ്രിന്റ് ചെയ്ത വേഷത്തില്‍ അവര്‍ ക്ലാസ് എടുക്കുന്നതിന്റെ ചിത്രം പകര്‍ത്തിയത്. അദ്ദേഹം ട്വിറ്ററില്‍ പോസ്റ്റ് ചെയ്ത ചിത്രങ്ങള്‍ക്ക് മികച്ച പ്രതികരണമാണ് ലഭിച്ചത്. നിരവധി പേര്‍ വെറോണിക്കയുടെ ഈ പ്രവര്‍ത്തിയെ അഭിനന്ദിച്ച് രംഗത്തെത്തി.
https://www.facebook.com/Malayalivartha
