വാര്‍ത്തകള്‍ സൃഷ്ടിക്കുന്ന താരമാണ് ടെലിവിഷന്‍ താരം അശ്വതി ശ്രീകാന്ത്. സോഷ്യല്‍മീഡിയയില്‍ സജീവമായ താരം ഭര്‍ത്താവിനും കുഞ്ഞിനും ഒപ്പമുള്ള വിശേഷങ്ങളെല്ലാം പങ്കുവെയ്ക്കാറുണ്ട്.

അശ്വതി, ക്രിസ്മസ് ദിനത്തില്‍ പോസ്റ്റ് ചെയ്ത ചിത്രവും കുറിപ്പും വൈറലാവുകയാണ്. 'നമ്മടെ ഉണ്ണീശോയുടെ പിറന്നാളല്ലേന്നോര്‍ത്ത് രാവിലെ ഒന്ന് അമ്പലത്തില്‍ പോയപ്പോള്‍ പ്രസാദം തന്നിട്ട് തിരുമേനി പറയുവാ ഹാപ്പി ക്രിസ്മസ് എന്ന്! പിന്നല്ല ഇത് കേരളമാണ് ഇവിടിങ്ങനെയാണ്' എന്നാണ് അശ്വതി കുറിച്ചിരിക്കുന്നത്.

കുറിപ്പിനൊപ്പം സാന്റാ തൊപ്പിയും തലയില്‍ വച്ചുള്ള അശ്വതിയുടെ ചിത്രവും ചേര്‍ത്തിട്ടുണ്ട്. ഇതുവരെയില്ലാത്ത തരത്തിലുള്ള പ്രതികരണമാണ് പോസ്റ്റിന് ലഭിക്കുന്നത്.

പൗരത്വ ഭേദഗതിയ്ക്കെതിരായ സമരവുമായി ബന്ധപ്പെടുത്തിയുള്ളതും, വര്‍ഗീയമായ വേര്‍തിരിവുകളെ ചെറുക്കാന്‍ പിന്തുണയുണ്ട് എന്ന തരത്തിലുള്ളതുമായ കമന്റുകളാണ് ഭൂരിഭാഗവും പോസ്റ്റിന് ലഭിക്കുന്നത്.