കാര് ഏതാണെന്ന് പറയാന് വിനായകന് കാറുകളുടെ ലോഗോ കണ്ടാല് മാത്രം മതി...!
അശ്വമേധം പരിപാടിയെ ഓര്മ്മിപ്പിക്കും കാറുകളുടെ ലോഗോ നോക്കി അത് ഏത് കാറിന്റേതാണെന്ന് വിനായക് പറയുന്നത് കണ്ടാല്! നാലുവയസേ ആയുള്ളൂ വിനായകന്. പക്ഷേ അവന്റെ മനസ് ഒരു സ്കാനറാണ് . ആഡംബരക്കാറുകളുടെ ലോഗോയാണ് ഈ കൊച്ചു മിടുക്കന് സ്കാന് ചെയ്തു ഹൃദയത്തിലേറ്റിയിരിക്കുന്നത്.
പുതിയ പുതിയ കാറുകള് കണ്ട് മുതര്ന്നവര് അമ്പരക്കുമ്പോള് വിനായക് ലോഗോ നോക്കിപ്പറയും ആ കാറേതാണെന്ന്. ഇന്റര് നാഷണല് ബ്രാന്ഡുകള് ഉള്പ്പെടെ 80 ആഡംബര കാറുകളുടെ ലോഗോ വിനായകിന് മന:പാഠമാണ്. പ്രവാസിയായ അച്ഛന് ശരത് ചന്ദ്രനും ഭാര്യനിഷയ്ക്കും സ്വന്തമായി ഒരു മാരുതി 800 കാര്പോലും ഇല്ലെങ്കിലും മകന്റെ മനസിലൂടെ ഓടുന്നത് ലംബോര്ഗിനിയും റോള്സ് റോയ്സും ബി എം ഡബ്ല്യൂമൊക്കെയാണ്.
ചാര്ട്ടാക്കി തൂക്കിയ ലോഗോകള് മാത്രം നോക്കി 48 കാറുകളുടെ പേര് 46 മിനിറ്റു കൊണ്ട് പറഞ്ഞ വിനായക് കാഴ്ചക്കാരെ ഞെട്ടിച്ചിരുന്നു. ഇതിന്റെ വീഡിയോ യൂട്യൂബില് വൈറലായി കഴിഞ്ഞു. കാഴ്ചയുറച്ചു തുടങ്ങിയകാലം മുതലേ ലോഗോകളില് കമ്പമുണ്ടായിരുന്ന വിനായക് രണ്ടു വര്ഷം മുമ്പ്് അച്ഛനൊപ്പം ഗള്ഫിലുണ്ടായിരുന്ന സമയം ആഡംബരക്കാറുകളുടെ ലോഗോകണ്ട് അച്ഛനോടും അമ്മയോടും അവയുടെ പേര് ചോദിക്കാറുണ്ടായിരുന്നു. എന്നാല് വെറും കൗതുകം എന്നതിനപ്പുറം വാഹനങ്ങളുടെ ലോഗോകള് മകന്റെ ഇങ്ങനെ സ്വാധീനിക്കുമെന്ന് അച്ഛനമ്മമാര് സ്വപ്നത്തില് പോലും കരുതിയിരുന്നില്ല.
ഇന്നും ഈ മിടുക്കന് മനപ്പാഠമാണ് അവന് രണ്ടുവയസില് ചോദിച്ചറിഞ്ഞ പേരുകള് .എല് കെ ജി ക്ലാസില് അക്ഷരങ്ങള് കൂട്ടിവായിച്ചു തുടങ്ങിയതേയുളളു. പക്ഷേ വാഹനങ്ങള് കണ്ടാല് കുഞ്ഞു ചുണ്ടുകളില് തത്തിക്കളിക്കുന്നത് വലിയ കമ്പനികളുടെ ബ്രാന്ഡ് നെയിം .
ആദ്യം ഒരു കൗതുകത്തിന് മകന്റെ ഈ കഴിവ് വീഡിയോ പിടിച്ച് ചില സുഹൃത്തുകള്ക്കും ബന്ധുക്കള്ക്കും വാട്സപ്പ് ആയി അയച്ചു കൊടുത്തു. വീഡിയോകണ്ടവര് കണ്ടവര് അത് പ്രചരിപ്പിക്കുകയും ഇപ്പോള് വാട്സപ്പ് ,ഫെയിസ്ബുക്ക് വഴിയും യൂട്യൂബിലൂടെയും വൈറലായി മാറികഴിഞ്ഞതോടെ നാട്ടിലെ താരമായി മാറിയിരിക്കുകയാണ് ഈ നാലുവയസുകാരന് .
https://www.facebook.com/Malayalivartha