പുകയും തീയും പറത്തി റോഡിലൂടെ ഒരു ലോറി പായുന്നതിന്റെ ദൃശ്യങ്ങള്‍ ഏവരെയും ഭയപ്പെടുത്തിക്കൊണ്ട് വൈറലാകുകയാണ്.

എന്നാല്‍ ഡ്രൈവറെ കുറ്റപ്പെടുത്തുകയല്ല. മറിച്ച് അഭിനന്ദിക്കുകയാണ് ജനം ചെയ്യുന്നത്.

തീപിടിച്ച ലോറിയുമായി ഹൈവേയിലൂടെ പാഞ്ഞ ഡ്രൈവര്‍ ഒരു വാട്ടര്‍ സര്‍വീസ് സ്റ്റേഷനിലേക്കാണ് ലോറി ഓടിച്ച് കയറ്റിയത്.

ലോറിയിലുണ്ടായിരുന്ന ലോഡിനാണ് തീപിടിച്ചത്. ലോറിയുടെ ഡ്രൈവറുടെ ഈ മനസാന്നിദ്ധ്യം വലിയ അപകടമാണ് ഒഴിവാക്കിയത്.

വെള്ളമുള്ള സര്‍വീസ് സ്റ്റേഷനില്‍ ലോറി എത്തിച്ചത് തീ പെട്ടെന്ന് കെടുത്താനും സഹായകമായി. എന്തായാലും ഡ്രൈവറെ സമ്മതിക്കണം എന്നാണ് വീഡിയോ കാണുന്ന ഏവരും പറയുന്നത്.