സൂര്യഗ്രഹണത്തെ കുറിച്ച് ധാരാളംവിശ്വാസങ്ങളും അതുപോലെതന്നെ അന്ധ വിശ്വാസങ്ങളും നിലവിലുണ്ട് ..എങ്കിലും ചിലകാര്യങ്ങളിൽ ശാസ്ത്രീയമായ കാര്യങ്ങളും ഉണ്ടെന്നാണ് ഇപ്പോൾ ശാസ്ത്രലോകം പറയുന്നത് . അത്തരം ഒന്നാണ് ഇപ്പോൾ സോഷ്യൽ മീഡിയയിലടക്കം പ്രചരിക്കുന്നത് .

ഗ്രഹണ സമയത്ത് മുട്ട കുത്തനെ നിറുത്താൻ പറ്റുമോ എന്ന പരീക്ഷണമാണ് ഒരുകൂട്ടർ നടത്തിയത്. ചന്ദ്രൻ സൂര്യനെ മറയ്ക്കുന്ന സമയത്ത് ഭൂമിയിൽ ഗുരുത്വാകർഷണം കൂടുതലായിരിക്കുമെന്നും അപ്പോൾ മുട്ട കുത്തിനിറുത്താൻ പറ്റുമെന്നും പണ്ടുമുതൽ പറഞ്ഞുകേൾക്കുന്ന ഒരു കാര്യമാണ് . എന്നാൽ,​ ഇത് ശാസ്ത്രലോകം തള്ലിക്കളഞ്ഞെങ്കിലും മലേഷ്യയിലെയും ഇന്തോനേഷ്യയിലെയും ചിലരൊക്കെ ഗ്രഹണസമയത്ത് മുട്ടയിൽ പരീക്ഷണംനടത്തുകതന്നെ ചെയ്തു. മുട്ട കുത്തി നിറുത്തിയ ഫോട്ടോയുടെ ദൃശ്യം തുടർന്ന് സോഷ്യൽ മീഡിയയിൽ പങ്കുവക്കുകയും ചെയ്തു

നടപ്പാതയിലും റോഡിലും മുട്ടകൾ നിരത്തി നിറുത്തിയാണ് പരീക്ഷണം നടത്തിയത്. ഗ്രഹണസമയത്തു മുട്ട തറയിൽ കുത്തി നിർത്തിയാലും താഴെവീഴാതെ നിൽക്കാനാകുമെന്ന് പഠനം തെളിയിക്കുന്നുണ്ടെന്ന് പറയുന്നു. സൂര്യനും ചന്ദ്രനും ഭൂമിയിൽ നിന്ന് തുല്യദൂരത്ത് നിൽക്കുന്നതിനാൽ ഗുരുത്വാകർഷണത്തിന്‍റെ തോത് തുല്യമായിരിക്കുമെന്നും, അതുകൊണ്ട് തന്നെ മുട്ട വീഴാനുള്ള സാദ്ധ്യത കുറവാണെന്നും പഠനത്തിൽ കണ്ടെത്തിയിട്ടുണ്ടെന്നും ഇവര്‍ വ്യക്തമാക്കുന്നു.