അനുജത്തിയുടെ കല്യാണ ആഘോഷങ്ങള്‍ക്ക് ഒടുവില്‍ പരസ്പരം കെട്ടിപ്പിടിച്ച് കരയുന്ന സാനിയ മിര്‍സയും അനിയത്തിയും!
കുറച്ചു ദിവസങ്ങളായി ടെന്നിസ് താരം സാനിയ മിര്‍സയുടെ വീട്ടില്‍ അനുജത്തിയുടെ കല്യാണ ആഘോഷങ്ങളുടെ മേളമായിരുന്നു. ആഘോഷത്തിന്റെ ചിത്രങ്ങളും വാര്‍ത്തകളുമാണ് സോഷ്യല്‍മീഡിയയില്‍ തരംഗമാകുന്നത്. സാനിയ മിര്‍സയുടെ അനുജത്തി അനാം മിര്‍സയും മുന്‍ ഇന്ത്യന്‍ ക്രിക്കറ്റ് താരം മുഹമ്മദ് അസ്ഹറുദ്ദീന്റെ മകനായ ആസാദും തമ്മിലുള്ള വിവാഹം ഡിസംബര്‍ 11-നായിരുന്നു.
വിവാഹ ആഘോഷങ്ങള്‍ വിവാഹത്തിന് മൂന്നു ദിവസം മുമ്പേ തുടങ്ങിയിരുന്നു. ബ്രൈഡല്‍ ഷവറോടുകൂടിയാണ് വിവാഹ ആഘോഷങ്ങള്‍ക്ക് തുടക്കമായത്. ഇതിനുശേഷം മെഹന്തി, സംഗീത് ചടങ്ങുകള്‍ നടന്നു. വിവാഹ ആഘോഷങ്ങളുടെ വീഡിയോ ഇപ്പോള്‍ പുറത്ത് വിട്ടിരിക്കുകയാണ്. സാനിയയും അനാം മിര്‍സയും പരസ്പരം ആശ്ലേഷിച്ചു കൊണ്ട് കരയുന്ന രംഗമൊക്കെ വിഡിയോയിലുണ്ട്.
സാനിയ മിര്‍സയെ കെട്ടിപ്പിടിച്ച് അനാം മിര്‍സ പൊട്ടിക്കരയുകയായിരുന്നു. അനാമിനെ താന്‍ ഏറെ മിസ് ചെയ്യുമെന്ന് സാനിയയും കരഞ്ഞു കൊണ്ട് പറയുന്നതും വീഡിയോയില്‍ കാണാം. വിവാഹ ആഘോഷങ്ങളില്‍ താരമായത് സാനിയയും മകന്‍ ഇസ്ഹാന്‍ മിര്‍സ മാലിക്കും തന്നെയാണ്.
https://www.facebook.com/Malayalivartha
