വിശന്നിരിക്കുന്നവര്ക്ക്, ഭക്ഷണം എത്തിക്കുന്നവരാണ് അവരുടെ ദൈവം! അതുകൊണ്ട് ബാബുവിന്റെ ഇമേജും മറ്റൊന്നല്ല...!
തലശ്ശേരി പുതിയ ബസ് സ്റ്റാന്ഡിലെ നൂറുകണക്കിന് പട്ടിണിപ്പാവങ്ങള്ക്ക് ദൈവം തന്നെയാണ് ബാബു പാറാല്. പതിവുതെറ്റാതെ ഉച്ചയ്ക്ക് ഒരു മണിയാകുമ്പോഴേക്കും ബാബുവിന്റെ ഓട്ടോ ബസ് സ്റ്റാന്ഡിലെത്തും. നൂറുകണക്കിനാളുകള്ക്കുള്ള ഊണുണ്ടാവും ആ ഓട്ടോയില്!
എടക്കാട്ടെ സുഹൃത്തായ ഗോപാലകൃഷ്ണനാണ് ഇരുപത് രൂപ നിരക്കില് ഭക്ഷണം തയാറാക്കി നല്കുന്നത്. ചോറിനൊപ്പം സാമ്പാറും അച്ചാറുമുണ്ടാകും. ഭക്ഷണ വിതരണത്തിന് സഹായിക്കാന് ചില ഓട്ടോ തൊഴിലാളികളുമുണ്ടാകും. മറ്റൊരു സുഹൃത്ത് സംഭാവനയായി നല്കിയതാണ് ഭക്ഷണം എത്തിക്കുന്ന ഓട്ടോ. ഒരു ദിവസത്തെ ചിലവ് 3600 രൂപയോളം വരും. കഴിഞ്ഞ അഞ്ച് മാസമായി അശരണര്ക്കുള്ള അന്നദാനം മുടക്കിയിട്ടില്ല ബാബു.
അശരണര്ക്ക് ആശ്രയകേന്ദ്രമാണ് ബാബു. നഗരത്തില് പുതുതായി വന്നെത്തുന്നവരില് മദ്യത്തിനും ലഹരിക്കും അടിമകളായവരെ ജീവിതത്തിലേക്ക് തിരിച്ചെത്തിക്കാനും ഇദ്ദേഹത്തിന്റെ ഇടപെടലിന് കഴിഞ്ഞിട്ടുണ്ട്. ഇവരില് പലരും ഇപ്പോള് വിവിധ അനാഥാലയങ്ങളില് സഹായികളായി സേവനമനുഷ്ഠിക്കുകയാണിപ്പോള്. പാതയോരങ്ങളിലും, മരത്തണലുകളിലും തളര്ന്നു വീഴുന്നവരെ ഉടന് ആശുപത്രികളിലെത്തിക്കുന്നതും ഈ സാമൂഹ്യപ്രവര്ത്തകന് സ്വന്തം ദൗത്യമായി കരുതുന്നു.
https://www.facebook.com/Malayalivartha
