ഹൃത്വിക് റോഷന് തിരയുന്നു, ആരാണ് ഈ സൂപ്പര് ഡാന്സര്?
ഒരു യുവാവിന്റെ ടിക്ടോക് നൃത്ത വിഡിയോ കണ്ട സാക്ഷാല് ഹൃത്വിക് റോഷന് ആ യുവാവ് ആരാണെന്ന് അന്വേഷിച്ച് രംഗത്തു വന്നിരിക്കുയാണ്.
പ്രഭുദേവയുടെ ഡാന്സ് നമ്പറുകള്, അദ്ദേഹത്തെപോലെ തന്നെ അനായാസമായി ആടി തകര്ക്കുന്ന ഒരു യുവാവിന്റെ വിഡിയോ ആണ് ഇപ്പോള് സമൂഹമാധ്യമങ്ങളിലെ ചര്ച്ച. പല ഗാനങ്ങള്ക്കും അയാള് മാറി മാറി ചുവടു വയ്ക്കുന്നുണ്ട്.
യുവാവിന്റെ ടിക്ടോക് നൃത്ത വിഡിയോ പങ്കുവച്ചുകൊണ്ട് അയാള് ആരാണെന്ന് താരം അന്വേഷിക്കുന്നു. ഇത്ര അനായാസമായി എയര് വാക്ക് ചെയ്യുന്നയാളെ താന് ഇതുവരെ കണ്ടിട്ടില്ലെന്ന് താരം ട്വീറ്റ് ചെയ്തു. ഹൃത്വിക് റോഷനെയും പ്രഭു ദേവയെയും ടാഗ് ചെയ്ത ട്വീറ്റിന് റീട്വീറ്റ് ചെയ്താണ് താരം യുവാവ് ആരാണെന്ന് തിരക്കിയത്.
രണ്ടര മിനിട്ടോളം ദൈര്ഘ്യമുള്ള വിഡിയോ മണിക്കൂറുകള്ക്കകം തന്നെ വൈറലായിരിക്കുകയാണ്. എന്നാല് അയാള് ആരാണെന്നോ ഏത് നാട്ടുകാരനാണെന്നോ തുടങ്ങിയ വിവരങ്ങളൊന്നും ഇതുവരെ ലഭിച്ചിട്ടില്ല. ഹൃത്വിക് റോഷനൊപ്പം സമൂഹമാധ്യമലോകവും യുവാവ് ആരാണെന്ന് അന്വേഷിക്കുകയാണ്.
https://www.facebook.com/Malayalivartha
