കൂറ്റന് മഞ്ഞുപാളികള് റോഡിലൂടെ തെന്നി നീങ്ങുന്ന ദൃശ്യങ്ങള്, ഭയപ്പാടോടെ അപൂര്വ്വ ദൃശ്യം പകര്ത്തുന്ന വിനോദസഞ്ചാരികള്!
ഹിമാചല് പ്രദേശിലെ ടിങ്കു നല്ലയില് റോഡിലൂടെ മഞ്ഞുകൂമ്പാരം ഒഴുകി നീങ്ങുന്നതിന്റെ ദൃശ്യങ്ങള് ഇപ്പോള് സമൂഹമാധ്യമങ്ങളില് നിറയുകയാണ്. ഐആര്എസ് ഉദ്യോഗസ്ഥനായ നവീദ് ട്രമ്പോയാണ് ട്വിറ്ററിലൂടെ ഈ ദൃശ്യങ്ങള് പുറത്തുവിട്ടത്. മഞ്ഞുവീഴ്ച പകര്ത്തിയിരുന്ന വിനോദസഞ്ചാരികള് ഭയന്നോടുന്നതും ദൃശ്യങ്ങളില് കാണാം.
മഞ്ഞിടിച്ചിലിന്റെ ദൃശ്യങ്ങള് കുറച്ചു സഞ്ചാരികള് സംഭവസ്ഥലത്തിറങ്ങി നിന്ന് പകര്ത്തുന്നുണ്ടായിരുന്നു. ഇവരോട് പിന്നോട്ടുമാറാന് നിര്ദേശിക്കുന്നതും ദൃശ്യങ്ങളില് വ്യക്തമാണ്. ചിലര് നിര്ദേശം കേട്ട് വാഹനത്തിലേക്ക് മടങ്ങിയെങ്കിലും മറ്റുള്ളവര് മഞ്ഞുവീഴ്ച പകര്ത്തുന്നത് തുടര്ന്നു. നിരവധിയാളുകള് മഞ്ഞുവീഴ്ച പകര്ത്താനിറങ്ങിയവരെ വിമര്ശിച്ചും സമൂഹമാധ്യമങ്ങളിലൂടെ രംഗത്തെത്തിയിട്ടുണ്ട്.
ഹിമാചല് പ്രദേശില് ശനിയാഴ്ച കനത്ത മഞ്ഞുവീഴ്ചയുണ്ടായിരുന്നു. ഇതാകാം ഹിമപാതത്തിനു പിന്നിലെന്നാണ് നിഗമനം. ദുരന്തനിവാരണ അതോറിറ്റി പ്രദേശങ്ങളിലെല്ലാം മുന്നറിപ്പും നല്കിയിട്ടുണ്ടായിരുന്നു. കടുത്ത ഹിമപാതത്തിന്റെ നടുക്കുന്ന ദൃശ്യങ്ങള് ഇതുവരെ എണ്പതിനായിരത്തിലധികം ആളുകള് കണ്ടുകഴിഞ്ഞു.
https://www.facebook.com/Malayalivartha