മഞ്ഞു പെയ്യുന്ന കാഷ്മീരില് നിന്നൊരു സുന്ദര കാഴ്ച!
ജമ്മു കാഷ്മീരില് കനത്ത മഞ്ഞുവീഴ്ചയെ തുടര്ന്ന് ജനജീവിതം ദുസഹമായിരിക്കയാണെങ്കിലും കണ്ണിന് കുളിര്മയുള്ള കാഴ്ചകള്ക്കും ഒട്ടും കുറവില്ല. മഞ്ഞുപുതച്ചു കിടക്കുന്ന താഴ്വരകള് സന്ദര്ശിക്കാന് നിരവധിപ്പേരാണ് എത്തുന്നത്.
സുബൈര് അഹമ്മദ് എന്ന കാഷ്മീരി യുവാവിന് വീടിനു മുന്നില് കുമിഞ്ഞ് കൂടിയ മഞ്ഞുകണ്ടപ്പോള് തന്റെ സര്ഗ്ഗശേഷി ഉണര്ന്നു.
ആ മഞ്ഞില് സുന്ദരമായ ഒരു കാറിന്റെ രൂപം അദ്ദേഹം നിര്മിച്ചു. ഇപ്പോള് നിരവധി സന്ദര്ശകരാണ് ഇതു കാണാന് ഇവിടേക്ക് എത്തുന്നത്.
ദേശീയ വാര്ത്താ ഏജന്സിയായ എഎന്ഐ ഇതിന്റെ ചിത്രങ്ങള് പുറത്തുവിടുകയും ചെയ്തിട്ടുണ്ട്. നിലവില് മൈനസ് മൂന്നു ഡിഗ്രി വരെയാണ് കാഷ്മീരില് വിവിധ ഇടങ്ങളിലെ താപനില.
https://www.facebook.com/Malayalivartha