ബാഴ്‌സലോണ എഫ്‌സിയും ഡല്‍ഫിനും തമ്മിലുള്ള മത്സരത്തിനിടെ ഗാലറിയിലിരുന്ന് കാമുകിയെ ചുംബിച്ചയാള്‍ക്ക് എട്ടിന്റെ പണി തന്നെ കിട്ടി.

മത്സരം കാണാനെത്തിയ ഡെയ്വി എന്ന യുവാവ് സമീപമിരുന്ന കാമുകിയെ ചുംബിച്ചു. ചുംബനത്തിന്റെ ദൃശ്യങ്ങള്‍ കാമറയില്‍ പതിയുകയും ഗാലറിയിലെ വലിയ സ്‌ക്രീനില്‍ കാണിക്കുകയും ചെയ്തു. ഇത് മനസിലാക്കിയ ഡെയ്വി കാമുകിയുടെ തോളില്‍ നിന്നും കൈമാറ്റി ഒന്നുമറിയാത്തതു പോലെ ഇരുന്നു.

എന്നാല്‍ ഈ വീഡിയോ സോഷ്യല്‍മീഡിയയില്‍ വൈറലായി മാറുകയായിരുന്നു. ഇതോടെ വീഡിയോ കണ്ട ഡെയ്വിയുടെ ഭാര്യ അദ്ദേഹത്തോട് പിണങ്ങിയിറങ്ങിപ്പോയി.

സംഭവം കൈവിട്ടു പോയെന്ന് മനസിലാക്കിയ ഡെയ്വി ഭാര്യയെ താന്‍ വഞ്ചിച്ചുവെന്ന് ഇന്‍സ്റ്റഗ്രാമില്‍ കുറിച്ചു. ഭാര്യ ഇല്ലാതെ ജീവിക്കാനാകില്ലെന്നും ഒരുപാട് സ്‌നേഹിക്കുന്നുവെന്നും പറഞ്ഞ ഡെയ്വി ഭാര്യയോട് മാപ്പ് ചോദിച്ചാണ് കുറിപ്പ് അവസാനിപ്പിച്ചത്.