മനുഷ്യര്‍ വീട്ടില്‍ മൃഗങ്ങളെ വളര്‍ത്തുന്നതു പോലെ കോഴിക്കുഞ്ഞിനെ പൊന്നുപോലെ നോക്കുന്ന പെണ്‍കുരങ്ങാണ് സോഷ്യല്‍ മീഡിയയില്‍ ഇപ്പോള്‍ ചര്‍ച്ചാവിഷയമാകുന്നത്.

ഇസ്രയേലിലെ ടെല്‍അവിവിലെ രമത് ഗന്‍സഫാരി പാര്ക്കിലാണ് കുരങ്ങും കോഴിക്കുഞ്ഞും തമ്മിലുള്ള അപൂര്‍ വ കൂട്ടുകെട്ട് ചര്‍ച്ചാവിഷയമാകുന്നത്.

ഇന്തോനേഷ്യന്‍ ബ്ലാക്ക് മക്കാക് ഇനത്തില്‍പ്പെട്ട നിവ് എന്നു പേരിട്ടിരിക്കുന്ന ഈ കുരങ്ങ് സസ്യ- മാംസാഹാരിയാണ്.

എവിടെ നിന്നാണ് എത്തിയതെന്നറിയാത്ത ഈ കോഴിയെ സ്വന്തം കുട്ടിയെപോലെയാണ് കുരങ്ങ് ലാളിക്കുന്നത്. ഇവര്‍ തമ്മിലുള്ള സൗഹൃദം ആരംഭിച്ചിട്ട് മാസങ്ങളാകുകയും ചെയ്തു.

കൂട്ടത്തിലുള്ള മറ്റ് കുരങ്ങുകള്‍ കോഴിയെ ആക്രമിച്ചേക്കാമെന്ന അനുമാനത്തില്‍ നിവ്‌നും അമ്മയ്ക്കുമൊപ്പം മറ്റൊരു കൂട്ടിലാണ് ഈ കോഴി ഇപ്പോള്‍ താമസിക്കുന്നത്.

എന്തായാലും സോഷ്യല്‍ മീഡിയ കീഴടക്കി മുന്നേറുകയാണ് ഈ അപൂര്‍വ കൂട്ടുകെട്ടിന്റെ കഥ.