എസ്‌യുവിയില്‍ കുടുങ്ങിയ ആളെ രക്ഷിക്കാന്‍ മനുഷ്യച്ചങ്ങല തീര്‍ത്തു. ടെക്‌സസിലാണ് കാറിനുള്ളില്‍ കുടുങ്ങിയ ആളെ രക്ഷിക്കാന്‍ പ്രദേശ വാസികള്‍ രംഗത്തെത്തിയത്. മുങ്ങിക്കൊണ്ടിരുന്ന കാറില്‍ നിന്നായിരുന്നു സാഹസികമായ രക്ഷപെടുത്തല്‍.

കനത്ത മഴയെത്തുടര്‍ന്നുണ്ടായ വെള്ളപ്പൊക്കത്തില്‍ പ്രദേശം മുഴുവന്‍ വെള്ളത്തിനടിയിലാകുകയായിരുന്നു. നിരവധി പേരാണ് വെള്ളപ്പൊക്കത്തില്‍ കുടുങ്ങിക്കിടക്കുന്നത്.

വെള്ളപ്പൊക്കത്തില്‍ കാറിനുള്ളില്‍ കുടുങ്ങിയ ആളെ രക്ഷിക്കുന്നതിന്റെ വീഡിയോ ദൃശ്യങ്ങള്‍ വൈറല്‍ ആകുകയാണ്. രക്ഷപെടുത്തിയ ആളെ ആശുപത്രിയില്‍ പ്രവേശിപ്പിച്ചു.