സംസ്ഥാന വ്യാപകമായി വ്യാജ കരം തീര്‍ത്ത രസീതും പ്രമാണങ്ങളും ഉപയോഗിച്ച് കോടതികളില്‍ ജാമ്യം എടുത്തു കൊടുക്കുന്ന സംഘം പോലീസ് പിടിയിലായി.

നെടുമങ്ങാട് മഞ്ച യുപി എസിനു സമീപം റോഡരികത്തു വീട്ടില്‍ സെയ്ദലി (40), പട്ടം മരപ്പാലം നെല്ലിനിലയം രാജ്കുമാര്‍ (49 ), കരമന നെടുംകാട് പനയില്‍ വീട്ടില്‍ മണികണ്ഠന്‍ (49), മണക്കാട് കുര്യാത്തി കാവുവിള ലൈന്‍ സുധീഷ് കുമാര്‍ (48 ), കുറക്കട ആലപ്പറക്കുന്നു ആശാനിവാസില്‍ കുമാരി (52 ), വര്‍ക്കല അതിരൂര്‍ അഭിജിത് നിവാസില്‍ അശ്വതി (29 ), കരമന മേലാറന്നൂ് പണ്ടാര വിളാകം വാസന്തി (44 ) എന്നിവരാണ് പോലീസ് പിടിയിലായത്.

മുഖ്യ പ്രതിയായസെയ്ദലി യുടെ വീട്ടില്‍ നിന്നും വ്യാജ കരം തീര്‍ത്ത രസീതുകള്‍, വ്യാജ മുദ്രപത്രങ്ങള്‍, മുദ്രപത്രങ്ങള്‍ ഉണ്ടാക്കാനുള്ള അച്ചുകള്‍, കംപ്യൂട്ടര്‍, പ്രിന്റര്‍, എന്നിവ പോലീസ് കണ്ടെടുത്തു. തിരുവനന്തപുരം റൂറല്‍ എസ് പി പി .അശോക് കുമാറിന്റെ നിര്‍ദേശാനുസരണം നെടുമങ്ങാട് ഡിവൈഎസ്പി ജെ. എസ്. ദിനില്‍, ഷാഡോ പോലീസ് ഡിവൈ എസ്പി അശോകന്‍, നെടുമങ്ങാട് സിഐ എസ്. എസ്. സുരേഷ്‌കുമാര്‍, എസ് ഐ ഷിബുകുമാര്‍ , എന്നിവരുടെ നേതൃത്വത്തിലാണ് പ്രതികളെ പിടികൂടിയത്.

വ്യാജ രേഖകള്‍ ചമച്ചു ജ്യാമ്യമെടുക്കുന്നതില്‍ വക്കീലന്മാരുടെയും ഗുമസ്തന്മാരുടെയും പങ്കിനെക്കുറിച്ചും പോലീസ് അന്വേഷിച്ചു വരികയാണ്.