വീടിനുള്ളില് നിന്നും, രക്ഷിക്കണേ എന്ന നിലവിളി കേട്ടെത്തിയ പോലീസ് കണ്ട കാഴ്ച...!
യുഎസിലെ ഒറിഗോണിലെ ഡെലിവറി ബോയ് ആയ ലീ പര്ഡി ജോലിക്കിടെയാണ് ആ നിലവിളി ശബ്ദം കേട്ടത്. രക്ഷിക്കണേ എന്ന ഒരു സ്ത്രീശബ്ദമായിരുന്നു അത്.
എന്തുചെയ്യണമെന്ന് അറിയാതെ പകച്ചു നിന്ന ഇയാള് ഉടന് തന്നെ വീട്ടിലേക്ക് വിളിച്ച് ഭാര്യയോട് കാര്യം പറഞ്ഞു. ഉടന് തന്നെ പോലീസിനെ വിളിക്കാന് ഇവര് ലീയോടു നിര്ദ്ദേശിച്ചു.
ലീ ഇതിനു തയാറാകാതെ വന്നപ്പോള് ഇദ്ദേഹത്തിന്റെ ഭാര്യതന്നെ പോലീസിനെ വിളിച്ച് കാര്യം പറയുകയായിരുന്നു.
ഉടന് തന്നെ സ്ഥലത്തെത്തിയ പോലീസുദ്യോഗസ്ഥര് വീട്ടിലേക്ക് കയറിച്ചെന്നു. പക്ഷേ, അകത്തെ കാഴ്ച കണ്ട് ആദ്യം അവര് ഒന്നമ്പരന്നു, പിന്നീട് ഒരുപോലെ ചിരിച്ചുപോയി.
കാരണം, ആ നിലവിളിശബ്ദത്തിന്റെ ഉടമ ഒരു തത്തയായിരുന്നു. വെറുതേ രസത്തിന് ഉറക്കെ നിലവിളിക്കുകയായിരുന്നു വിരുതന്!
താന് വീട്ടില് ഇല്ലാത്തപ്പോള് തത്തയ്ക്ക് അനുഭവപ്പെടുന്ന ഏകാന്തതയാണ് ഈ നിലവിളിയുടെ പിന്നിലെ കാരണമെന്നാണ് ഗൃഹനാഥയായ സൂസന് ബയെഡ് പറയുന്നത്.
https://www.facebook.com/Malayalivartha
