ബോബ് മാര്ലിയ്ക്ക് കടലും തീരപ്രദേശവുമായി ബന്ധമുള്ളതുപോലെ ഈ ചിലന്തിക്കുമുണ്ട് ബന്ധം..!
കഴിഞ്ഞ ദിവസം ഓസ്ട്രേലിയയുടെ തീരപ്രദേശത്തുനിന്ന് കണ്ടെത്തിയ അപര്വ്വ ഇനം ചിലന്തിക്ക് സംഗീത ഇതിഹാസം ബോബ് മാര്ലിയുടെ പേര് നല്കി. ഓസ്ട്രേലിയയിലെ ക്വീന്സ് ലാന്ഡ് മ്യൂസിയത്തിലെ ഡോക്ടര് ബാര്ബറ ബേറിന്റെ നേതൃത്വത്തിലുള്ള സംഘമാണ് കടലില് കഴിയുന്ന അപൂര്വ്വ ഇനം ചിലന്തിയെ കണ്ടെത്തിയത്.
ബോബ് മാര്ലി എന്ന പ്രശസ്ത ജമൈക്കന് ഗായകന്റെ, വേലിയേറ്റങ്ങളിലും വേലിയിറക്കങ്ങളിലും കൂടെയുണ്ടാകുമെന്ന് വാഗ്ദാനം ചെയ്യുന്ന പ്രശസ്തഗാനമായ ഹൈ ടൈഡ് ലോ ടൈഡ് എന്ന ഗാനത്തിന്റെ സ്മാരകമായാണ് ചിലന്തിക്ക് ഈ പേര് നല്കിയത്.
കടലിനടിയില് താമസിക്കുന്ന ചിലന്തികള് അപൂര്വ്വമായി മാത്രമേ ലോകത്തുള്ളു. ശരീരത്തില് നിന്ന് ഉത്പാദിപ്പിക്കുന്ന നേര്ത്ത നൂലുകള് കൊണ്ടുണ്ടാക്കിയ കവചത്തിനുള്ളിലാണ് ഈ ചിലന്തികള് വെള്ളത്തിനടിയില് കഴിയുന്നത്.
തീരപ്രദേശത്തോട് ചേര്ന്നുള്ള പാറകളിലും മറ്റും പറ്റിപ്പിടിച്ചിരിക്കുന്ന ചെറുപ്രാണികളാണ് ഇവയുടെ ഭക്ഷണം. ഈ വര്ഗത്തില്്പ്പെട്ട പെണ്ചിലന്തികള്ക്ക് ആണ് ചിലന്തികളേക്കാള് വലിപ്പം കൂടുതലാണ്. ചുവപ്പും ബ്രൗണും ചേര്ന്ന ഒരു നിറമാണ് ഇവയ്ക്ക്.
https://www.facebook.com/Malayalivartha
