പാന്റ്സില്ലാ യാത്രയുടെ 16-ാം വര്ഷവും അടിപൊളിയാക്കി യുവാക്കള്; ലോകം എമ്പാടുമുള്ള മെട്രൊ ട്രെയിനുകളില് അണ്ടര്വെയര് മാത്രം ധരിച്ച് യാത്ര ചെയ്യാന് എത്തിയത് നൂറ് കണക്കിന് യുവതീ യുവാക്കള്
2002-ല് ന്യൂയോര്ക്കില് ആദ്യമായി പൊട്ടിമുളച്ച ഒരു ആശയത്തിന്റെ 16-ാം വര്ഷവും അടിപൊളിയായി ലോകമാകമാനം ആഘോഷിച്ചു. ലോകമാകമാനമുള്ളവരെ ചിരിപ്പിക്കുകയെന്ന സദുദ്ദേശ്യത്തോടെ വര്ഷം തോറും നടത്തി വരാറുള്ള പാന്റ്സില്ലാ യാത്രയോട് അനുബന്ധിച്ച് നൂറ് കണക്കിന് യുവതീ യുവാക്കളാണ് ലോകത്തെമ്പാടുമുള്ള മെട്രൊ ട്രെയിനുകളില് അണ്ടര്വെയര് മാത്രം ഇട്ട് യാത്ര ചെയ്യാന് എത്തിയത് . ഡസന് കണക്കിന് നഗരങ്ങളിലാണ് ദി നോ പാന്റ്സ് സബ്വേ റൈഡ്സ് അരങ്ങേറിയത്. പ്രാങ്ക്സ്റ്റേര്സ് ആയ ഇംപ്രൂവ് എവരിവേര് ആണിത് സംഘടിപ്പിച്ചിരിക്കുന്നത്.
ഓസ്ട്രേലിയയിലെ ബ്രിസ്ബേനില് ഊഷ്മാവ് 31 ഡിഗ്രിയായി ഉയര്ന്ന വേളയില് ഈ പാന്റ്സില്ലാ സഞ്ചാരം യാത്രക്കാര്ക്ക് ആശ്വാസം പകര്ന്നിരുന്നുവെന്നാണ് റിപ്പോര്ട്ട്. എന്നാല് കാനഡയിലെ കാല്ഗറിയില് ഊഷ്മാവ് മൈനസ് 20 ഡിഗ്രിയോളം ആയിരിക്കുന്ന നിലവിലെ സാഹചര്യത്തില് ഇവിടെ പാന്റ്സില്ലാ യാത്ര ദുസ്സഹമായിത്തീരുകയും ചെയ്തിരുന്നുവത്രേ. പ്രാഗ്, ലണ്ടന്, ബെര്ലിന്,മ്യൂണിച്ച് എന്നിവിടങ്ങളിലെ മെട്രൊ ട്രെയിനുകളിലേക്ക് ഇരച്ച് കയറിയ ഇത്തരക്കാരുടെ വേഷവിധാനം കണ്ട ചില യാത്രക്കാര് അസഹ്യതയോടെ പുരികം ചുളിച്ചു. ചിലര് പാന്റ്സില്ലാ യാത്രയെ കടുത്ത ഭാഷയില് വിമര്ശിക്കുകയുമുണ്ടായി.
ഈ യാത്രയുടെ ഭാഗമായി ഇതില് പങ്കെടുത്തവര് തങ്ങളുടെ പാന്റ്സ്, ട്രൗസറുകള്, ഷോര്ട്സ്, സ്കര്ട്ടുകള്, തുടങ്ങിയവ അഴിച്ച് മാററിയിട്ടായിരുന്നു ട്യൂബുകള് എന്ന അണ്ടര്ഗ്രൗണ്ട് ട്രെയിനുകള്, സബ്വേകള് തുടങ്ങിയവയില് സഞ്ചരിച്ചത്. 25 രാജ്യങ്ങളിലെ 60 നഗരങ്ങളില് ഈ പരിപാടി പൂര്വാധികം ആവേശത്തോടെ അരങ്ങേറി. 2002-ല് ന്യൂയോര്ക്കില് ആദ്യമായി പൊട്ടിമുളച്ച ഈ ആശയം തുടര്ന്ന് ലോകത്തിന്റെ വിവിധ ഭാഗങ്ങളിലേക്ക് അതിവേഗം പടരുകയും ചെയ്തു.
2016 ജനുവരിയിലായിരുന്നു മോസ്കോയില് ഈ പരിപാടി ആദ്യമായി നടന്നത്. ഇത് ചിലയിടങ്ങളില് വന് വിവാദങ്ങളും ക്രമസമാധാന പ്രശ്നങ്ങളും ഉണ്ടാക്കിയിട്ടുണ്ട്. ക്രമസമാധാനം തകരുമെന്ന് ആരോപിച്ച് ചിലയിടങ്ങളില് പോലീസിനെ വന് തോതില് വിന്യസിച്ച ചരിത്രവും ഈ ഇവന്റിനുണ്ട്.
https://www.facebook.com/Malayalivartha
