നേരായ വഴി ഉണ്ടായാലും ചിലര്‍ക്ക് വളഞ്ഞ വഴിയേ പോകാനാണ് എപ്പോഴും താല്‍പര്യം. സാധാരണ ദൂരം കുറയ്ക്കാനായും സമയം ലാഭിക്കാനുമായാണ് എളുപ്പ വഴികള്‍ നാം തിരഞ്ഞെടുക്കാറ്.

ചിലസമയങ്ങളില്‍ ഈ എളുപ്പവഴികള്‍ നമുക്ക് പണി തരാറുമുണ്ട്. അത്തരത്തില്‍ ഒരാഴ്ചയ്ക്കു മുമ്പ് എളുപ്പവഴി തേടിയ ഒരു യുവാവിന് സംഭവിച്ച ദുരന്തത്തിന്റെ ദൃശ്യങ്ങളാണ് ഇത്.

യാത്രാടിക്കറ്റോ സീസണ്‍ടിക്കറ്റ് പോലുള്ള കാര്‍ഡുകളോ സൈ്വപ്പ് ചെയ്താല്‍ മാത്രം തുറന്നു കിട്ടുന്ന ലണ്ടന്‍ ട്യൂബ് സ്‌റ്റേഷനിലെ ഗേറ്റിലൂടെ ടിക്കറ്റെടുക്കാതെ നുഴഞ്ഞ് കയറാന്‍ ശ്രമിച്ച യുവാവിന്റെ ലൈംഗികാവയവം ഗേറ്റിനുള്ളില്‍ കുടുങ്ങിപ്പോവുകയായിരുന്നു. വേദന കൊണ്ട് പുളഞ്ഞ യുവാവ് ഉച്ചത്തില്‍ നിലവിളിക്കുകയും ചെയ്യുന്നുണ്ടായിരുന്നു. കവന്റ് ഗാര്‍ഡന്‍ ട്യൂബ് സ്‌റ്റേഷനിലാണ് ഞെട്ടിപ്പിക്കുന്ന ഈ സംഭവം അരങ്ങേറിയത്.

യുവാവിന്റെ നിലവിളികേട്ട് സംഭവമെന്തെന്ന് അറിയാന്‍ സമീപത്തുള്ളവര്‍ ഓടിയെത്തി. തുടര്‍ന്ന് പൊലീസെത്തി കഷ്ടപ്പെട്ടാണ് ഇയാളെ രക്ഷപ്പെടുത്തിയത്. പൊലീസിനൊപ്പം ലണ്ടന്‍ അണ്ടര്‍ഗ്രൗണ്ട് ജീവനക്കാരും രക്ഷാശ്രമത്തില്‍ ഉള്‍പ്പെട്ടിരുന്നു. എന്തു തന്നെയായാലും എളുപ്പ വഴി തിരഞ്ഞെടുക്കുന്നവര്‍ക്ക് ഇതൊരു പാഠമാക്കാവുന്നതാണ്. കാരണം ഇത്തരത്തിലുള്ള പ്രവര്‍ത്തികൊണ്ട് ജീവന്‍ പോലും നഷ്ടമായേക്കാം.