ആകാശത്തിനു താഴെയുള്ള എന്തിനെപ്പറ്റിയും ഗൂഗിളിനോട് ചോദിച്ചാല്‍ ഉടന്‍ ഉത്തരം കിട്ടും എന്നു പറഞ്ഞാല്‍ ചിലപ്പോള്‍ ഗൂഗിള്‍ പിണങ്ങിയെന്നുവരാം. ആകാശത്തിനു താഴെയുള്ളതു മാത്രമേ എനിക്കറിയുള്ളൂ എന്നാണോ വിചാരിക്കുന്നത് എന്ന മറുചോദ്യവും ഉന്നയിച്ചേക്കാം. അങ്ങനെ എല്ലാറ്റിനെപറ്റിയും ഗൂഗിള്‍ ഹോമിന് ഉത്തരമുണ്ടെന്നാണ് വാദം. എന്നാല്‍, ഗൂഗിളിന് യേശു ക്രിസ്തുവാരെന്ന് അത്ര നിശ്ചയം ഇല്ലെന്ന പരാതി ഉയര്‍ന്നിരിക്കുന്നു.

' ഹൂ ഇസ് ജീസസ്' എന്ന ചോദ്യത്തിന്, അതിന് എന്തുത്തരം നല്‍കണമെന്ന് എനിക്കുറപ്പില്ല എന്ന മറുപടിയാണ് ഗൂഗിള്‍ ഹോം സ്പീക്കറുകള്‍ നല്‍കി എന്നാണ് പരാതി. സാത്താന്‍ ആരാണെന്ന് ചോദ്യത്തിന് കൃത്യമായ മറുപടി ലഭിക്കുകയും ചെയ്തുവത്രേ. സംഭവം വിവാദമായതോടെ നിരവധിയാളുകളാണ് പരാതിയുമായി കത്തുകള്‍ അയച്ചിരിക്കുന്നത്.

ബുദ്ധനേയും മുഹമ്മദ് നബിയേയും ഗൂഗിള്‍ ഹോം മനസ്സിലാക്കിയെന്നും റിപ്പോര്‍ട്ടുകളുണ്ട്. എന്നാല്‍, ഇതിന് വിചിത്രമായ മറുപടിയാണ് ഗൂഗിള്‍ തന്നത്. വിശ്വാസത്തിന് മുറിവേല്‍പ്പിക്കാതിരിക്കുന്നതിനാണ് അത്തരമൊരു മറുപടി നല്‍കിയതെന്നും അത് നിന്ദിക്കലാണെന്ന് കരുതാതിരിക്കണമെന്നുമാണ് ഇവരുടെ വാദം. ഭാവിയില്‍ മറ്റു മത നേതാക്കളെക്കുറിച്ച് തിരഞ്ഞാലും ഇത് തന്നെ സംഭവിച്ചേക്കാം. ഈ പ്രശ്‌നത്തിന് പരിഹാരം കണ്ടെത്തുന്നത് വരെ മറ്റു മതനേതാക്കളെക്കുറിച്ചുള്ള ചോദ്യത്തിനുള്ള മറുപടിയും താത്കാലികമായി നിര്‍ത്തിവയ്ക്കുമെന്നും അദ്ദേഹം പറഞ്ഞു.