ആറുമാസം മുമ്പ് പരസ്പരം കണ്ടുമുട്ടിയ നിഗെല്‍ സേമെര്‍ എന്ന 57-കാരന്‍ തന്റെ കാമുകിയായ 28-കാരി റേച്ചല്‍ അല്ലെനോടു ഇക്കഴിഞ്ഞ ദിവസം വിവാഹസമ്മതം ചോദിച്ചതിന് ഒരു വ്യത്യസ്തതയുണ്ടായിരുന്നു. പൂര്‍ണ്ണ നഗ്‌നനായിട്ടായിരുന്നു നിഗെല്‍ ആ ചടങ്ങിനെത്തിയത്. ഇതു കേള്‍ക്കാന്‍ എത്തിയ കാമുകിയും ഇതിന് സാക്ഷികളാകാന്‍ എത്തിയ 400 സുഹൃത്തുക്കളും പൂര്‍ണ്ണ നഗ്‌നരായിരുന്നു എന്നതാണ് ഇതിലെ കൗതുകകരമായ വസ്തുത.

നാച്വറിസം എന്ന സ്വതസിദ്ധമായ ജീവിത പശ്ചാത്തലത്തിലായിരുന്നു റേച്ചല്‍ വളര്‍ന്നത്. ഇത്തരക്കാര്‍ വസ്ത്രങ്ങള്‍ ഉപേക്ഷിച്ച് പ്രകൃതിയോട് ഇണങ്ങിയാണ് ജീവിക്കുന്നത്. 40 വയസിലായിരുന്നു നിഗെല്‍ നാച്വറലിസത്തിന്റെ ഭാഗമാകുന്നത്. തുടക്കത്തില്‍ തന്റെ ശരീര ഭാരത്തെ പലരും പരിഹസിച്ചിരുന്നു. ഇതില്‍ നിന്ന് മോചനം നേടുന്നതിനായായിരുന്നു നിഗെല്‍ നാച്വറല്‍ സ്പായില്‍ പോകാന്‍ തുടങ്ങിയത്.

ചുറ്റുമുള്ളവര്‍ അതിനെ അതേ സ്പിരിറ്റില്‍ ഉള്‍ക്കൊള്ളാത്തതിനാല്‍ നിഗെല്‍ കടുത്ത പരിഹാസങ്ങള്‍ കേള്‍ക്കേണ്ടി വന്നിരുന്നു. തുടര്‍ന്ന് കൂടുതല്‍ സ്ഥലങ്ങളില്‍ ഇവര്‍ വസ്ത്രങ്ങള്‍ ഉപേക്ഷിച്ചു പോകാന്‍ തുടങ്ങി. 2019--ലോ 2020-ലോ ഇവര്‍ വിവാഹിതരാകും എന്നാണ് ഇപ്പോള്‍ തീരുമാനിച്ചിരിക്കുന്നത്. അതും രണ്ടുവട്ടം; ഒന്ന് തുണിയില്ലാതെയും പിന്നെ തുണി ഉടുത്തും വിവാഹിതരാകാനാണ് ഇവര്‍ ആലോചിക്കുന്നത്.