വിമാനത്തിനുള്ളില്‍ നിന്നും ഇരുപത് കിലോ ഭാരമുള്ള ഐസ് കട്ട വന്നു വീണത് റോഡില്‍ നില്‍ക്കുകയായിരുന്ന ആളുടെ സമീപം. വെസ്റ്റ് ലണ്ടനിലാണ് പേടിപ്പെടുത്തുന്ന സംഭവം നടന്നത്.

റോഡ് വൃത്തിയാക്കിക്കൊണ്ടിരുന്ന ഒരു ജീവനക്കാരനായിരുന്നു ഇവിടെ നിന്നിരുത്. ആ ഐസ് കട്ട വീണത് അയാളുടെ തലയില്‍ ആയിരുന്നുവെങ്കില്‍ അദ്ദേഹത്തിന്റെ തല ചിതറിതെറിക്കുമായിരുന്നേനെ!

സമീപത്തെ ഹീത്രോ വിമാനത്താവളത്തില്‍ നിന്നും പറന്നുയര്‍ന്ന വിമാനമായിരുന്നു ഇത്. ഇത്തരത്തില്‍ പറക്കുന്നതിനിടെ വിമാനത്തിനുള്ളില്‍ നിന്നും ഐസ് കട്ടകള്‍ വീണ സംഭവം ഈ വര്‍ഷം മാത്രം മുപ്പതു പ്രാവശ്യം റിപ്പോര്‍ട്ടു ചെയ്തിട്ടുണ്ടെന്ന് സിവില്‍ ഏവിയേഷന്‍ അഥോറിറ്റി അറിയിച്ചു.