ഇപ്പോള്‍ സോഷ്യല്‍ മീഡിയയുടെ കൈയ്യടി നേടുന്നത് ഒരു കണ്ണിന് മാത്രം കാഴ്ച ശക്തിയുള്ള കുതിരക്കുട്ടിയുടെ പുറത്തിരുന്ന് ഒരു നായ്കുട്ടി സവാരി ചെയ്യുന്നതിന്റെ ദൃശ്യങ്ങളാണ്. അമേരിക്കയിലെ മിസൂറിയിലാണ് സംഭവം.

കുതിരയുടെ ഉടമസ്ഥയായ സ്ത്രീ രാത്രി വളരെ താമസിച്ച് വീട്ടില്‍ എത്തിയപ്പോഴാണ് താന്‍ വളര്‍ത്തുന്ന കുതിരക്കുട്ടി വീടിന്റെ സമീപത്തായി നില്‍ക്കുന്നത് കണ്ടത്.

ഒന്നുകൂടി സൂക്ഷിച്ചുനോക്കിയപ്പോഴാണ് അതിന്റെ ശരീരത്തിനു മുകളില്‍ ഒരു നായ്കുട്ടി ഇരിക്കുന്നത് കണ്ടത്. തുടര്‍ന്ന് ഇവര്‍ കുതിരയെ വിളിച്ചപ്പോള്‍ കുതിര നായയുമായി ഓടുകയായിരുന്നു.

ഈ സമയം നായ ബാലന്‍സ് പോകാതെ കുതിരയുടെ മുകളില്‍ തന്നെ ഇരിക്കുകയായിരുന്നു. ഇവരുടെ അയല്‍വാസിയുടെ ഉടമസ്ഥതയിലുള്ളതാണ് ഈ നായ. യുവതി പകര്‍ത്തിയ വീഡിയോ സോഷ്യല്‍ മീഡിയായില്‍ പങ്കുവെച്ചതിനെ തുടര്‍ന്ന് വൈറലായി മാറുകയാണ്.