ഇംഗ്ലണ്ടിലെ നൊര്‍ഫേക്കിലെ ബോണി മൂറെയ്ക്കും തന്റെ കുഞ്ഞ് പൊന്‍കുഞ്ഞാണ്. അതു കൊണ്ട് തന്റെ കുഞ്ഞുമകള്‍ ഓരോ നിമിഷവും സുരക്ഷിതയായിരിക്കുന്നു എന്നുറപ്പു വരുത്തുവാന്‍ കുഞ്ഞു മകള്‍ അഥിയയുടെ മുറിയില്‍ അവര്‍ ഒരു വീഡിയോ മോണിട്ടര്‍ സ്ഥാപിച്ചു.

അടുത്തിടെ ഒരു ദിവസം പകലുറക്കത്തിലായിരിക്കുന്ന മകള്‍ ഉറക്കമുണര്‍ന്നോ അതോ ഇപ്പോഴും ഉറക്കം തുടരുകയാണോ എന്നറിയാന്‍ മോണിട്ടര്‍ സ്‌ക്രീനിലേക്ക് നോക്കിയ ബോണി മൂറെ നടുങ്ങിപ്പോയി. തന്റെ മകളോടൊപ്പം മറ്റൊരു കുഞ്ഞു രൂപം കൂടി കിടക്കയില്‍ കിടക്കുന്നു.

തന്റെ നോട്ടപ്പിശകു മൂലം തനിക്കു തോന്നുന്നതാണോ എന്നറിയാന്‍ വീണ്ടും വീണ്ടും നോക്കി എങ്കിലും അതു വെറുമൊരു തോന്നലല്ല എന്നുറപ്പിക്കും വിധം ആ കുഞ്ഞു രൂപത്തിന്റെ മുഖത്തിലെ അവയവങ്ങളെല്ലാം വളരെ വ്യക്തമായി തെളിഞ്ഞു കാണുന്നു എന്നു തന്നെ തോന്നി.

അഥീയയോടൊപ്പം ഒരു കുഞ്ഞു പാവക്കുട്ടിയോ മറ്റൊരു കുഞ്ഞോ കിടക്കുന്നതായി തന്നെയാണ് മോണിട്ടര്‍ സ്‌ക്രീനില്‍ കാണുന്നത്. എന്നാല്‍ സ്‌ക്രീനിലൂടെയല്ലാതെ കിടയ്ക്കക്ക് അരികില്‍ നേരിട്ടെത്തി നോക്കിയാല്‍ അവിടെ അങ്ങനെ യാതൊന്നും ഉള്ളതായി കാണുന്നുമില്ല എന്നത് ബോണിയെ വളരെ അസ്വസ്ഥയാക്കുന്നുണ്ട്.

അടുത്തയാഴ്ചയാണ് അഥീയയുടെ ഒന്നാം പിറന്നാള്‍. അവര്‍ ഈ വിവരം സുഹൃത്തുക്കളോട് പങ്കു വച്ചു. അവരും ചിത്രത്തില്‍ ഒരു കുഞ്ഞു രൂപത്തെ കാണുന്നുണ്ട് എന്ന് സമ്മതിച്ചു. എങ്കിലും അതില്‍ ഭയപ്പെടാനൊന്നും ഉണ്ടാവില്ലെന്നും ബോണിയുടെ ജീവിതവുമായി വളരെ അടുപ്പമുള്ള ആരുടെയെങ്കിലും ആത്മാവിന്റെ സാന്നിദ്ധ്യമായിരിക്കും അത് എന്ന് പറഞ്ഞ് അവര്‍ ആശ്വസിപ്പിച്ചു.

ബോണിയുടെ ചെറുപ്പത്തില്‍ അവളുടെ ഒമ്പതു വയസ്സുണ്ടായിരുന്ന സഹോദരന്‍ മരിച്ചു പോയിട്ടുണ്ട്. ആ സഹോദരന്റെ ചരമ വാര്‍ഷിക ദിവസം കഴിഞ്ഞ് ഏതാനും ദിവസമായപ്പോഴാണ് ആ രൂപം കിടയ്ക്കക്കരികില്‍ പ്രത്യക്ഷപ്പെട്ടത് എന്നും ബോണി ഓര്‍മ്മിക്കുന്നു.

ബോണിയുടെ വിവരം സമൂഹ മാധ്യമങ്ങളില്‍ വന്നയുടനെ ഒരു സ്ത്രീ ഇങ്ങനെയാണെഴുതിയത്; ആത്മാക്കളുമായി സമ്പര്‍ക്കം പുലര്‍ത്തുന്നയാളാണ് താനെന്നും അതു കൊണ്ടു തന്നെ ചിത്രത്തിലുള്ളത് ഒരു ആത്മാവു തന്നെയാവുമെന്നും അവര്‍ ഉറപ്പിച്ചു പറയുന്നു. എങ്കിലും ആത്മാവിനെ ക്യാമറയിലാക്കാന്‍ കഴിഞ്ഞത് അത്ഭുതമായിരിക്കുന്നുവെന്നുമാണ്. അതൊരു ചെറിയ ആണ്‍കുട്ടി ആണെന്നാണ് തനിക്ക് തോന്നുന്നതെന്നും നിന്റെ ബന്ധുവോ അല്ലെങ്കില്‍ നിനക്കു ജനിക്കാനിരുന്ന മറ്റൊരു കുഞ്ഞോ ആയിരിക്കാം അതെന്നും നിന്റെ കുഞ്ഞിനെ ശ്രദ്ധയോടെ പരിചരിക്കുകയാണവന്‍ എന്നും അവര്‍ എഴുതുന്നു.

ആ ചിത്രം കണ്ട ഏവരും ഇതിനോട് യോജിക്കുന്നു. ഭൂത-പ്രേത-ആത്മാക്കളിലൊന്നും വിശ്വാസമില്ലാത്ത ഒരു വീട്ടമ്മ കുറിച്ചു; ഇപ്പോള്‍ എനിക്കും തോന്നുന്നുണ്ട്, എന്നെ ഇതു പോലെ സൂക്ഷിക്കുന്ന ആത്മാക്കള്‍ ആരെങ്കിലും എനിക്ക് ചുറ്റുമുണ്ടോ എന്നു കാണിച്ചു തരാന്‍ കഴിവുള്ള ആരെങ്കിലും ഉണ്ടായിരുന്നെങ്കില്‍, എന്ന്!