വരന്റെ മാതാപിതാക്കളെ തലകുനിഞ്ഞ് വണങ്ങാന് വധു തയ്യാറെടുക്കവെ വിവാഹത്തിനെത്തിയ അതിഥി ബലം പ്രയോഗിച്ച് തല പിടിച്ചു കുനിച്ചു; വധുവിന്റെ കൈയ്യുടെ ചൂടറിഞ്ഞു പിന്മാറി! (വീഡിയോ)
ചൈനീസ് വിവാഹങ്ങള് അടുത്തിടെ മാധ്യമശ്രദ്ധ നേടുന്നത് വിവാഹത്തോടനുബന്ധിച്ച് അതിഥികള് വധൂവരന്മാരോടൊപ്പം നടത്തുന്ന കളികളിലെ ഞെട്ടിക്കുന്ന ചില രീതികള് കൊണ്ടാണ്. അടുത്തിടെ അവിടെ നടന്ന ഒരു വിവാഹ ചടങ്ങില് വിവാഹ ശേഷം ചൈനീസ് ആചാരപ്രകാരം മാതാപിതാക്കളെ മുട്ടുകുത്തി തല കുനിച്ചു വണങ്ങേണ്ട ഒരു ചടങ്ങിന് ഉണ്ടായ അപ്രതീക്ഷിത ട്വിസ്റ്റാണ് ഇപ്പോള് മാധ്യമശ്രദ്ധ നേടുന്നത്. മാതാപിതാക്കള്ക്ക് മുന്നില് തന്നെ സമര്പ്പിക്കുന്നു എന്ന് അര്ത്ഥമാക്കുന്ന ചടങ്ങാണിത്.
വിവാഹത്തിനെത്തിവരെല്ലാം നോക്കി നില്ക്കവെ വരനും വധുവും തല കുമ്പിട്ട് വണങ്ങാന് ഒരുങ്ങി. ഒരു തവണ കുനിഞ്ഞ് നിവര്ന്നപ്പോഴേക്കും വിവാഹത്തിനെത്തിയ പുരുഷ അതിഥികളിലൊരാള് വധുവിന്റെ തലയില് ബലമായി പിടിച്ച് കുനിക്കുവാന് ശ്രമം നടത്താന് തുടങ്ങി. 'വിവാഹകളികള്' അവിടെ പ്രചാരത്തിലുള്ളതിനാല് വരനും മാതാപിതാക്കളുമെല്ലാം ചെറുപുഞ്ചിരിയോടെ അത് നോക്കിനിന്നതേയുള്ളൂ.
പക്ഷേ ഇത്തരം കളികളിലൊന്നും വലിയ താല്പര്യം ഇല്ലാത്തയാളായിരുന്നു വധുവെന്ന് അല്പസമയം കൊണ്ടുതന്നെ എല്ലാവര്ക്കും മനസ്സിലായി. രണ്ടുതവണ അതിഥി തലപിടിച്ചുലച്ചു കഴിഞ്ഞപ്പോള് തന്നെ വധു സടകുടഞ്ഞെഴുന്നേല്ക്കുന്ന സിംഹിയെപ്പോലെ ചാടിയെഴുന്നേറ്റ് അതിഥിയ്ക്കിട്ട് ഒരു പൂശുപൂശി. ആരും പ്രതിക്ഷിച്ചിരിക്കാത്ത നീക്കമായിരുന്നു അത് എന്നതിനാല് അയാളുടെ കവിളത്ത് വധുവിന്റെ കൈപതിഞ്ഞതിനു ശേഷം മാത്രമേ അയാളെ ഒന്നുപിടിച്ചകറ്റാന് ചുറ്റുമുള്ളവര്ക്ക് കഴിഞ്ഞുള്ളൂ. പിന്നീട് ഒരു ചെറുചിരിയോടെ വരന് തന്നെ വധുവിനെ സമാധാനിപ്പിച്ച് ചേര്ത്തുപിടിക്കുന്നത് കാണാമായിരുന്നു.
വധൂവരന്മാാര്ക്ക് ഇഷ്ടമല്ലാത്ത കാര്യങ്ങള് ചെയ്യിക്കുക ചൈനയിലെ വിവാഹത്തിലെ ഒരു രീതിയായി മാറുന്നുണ്ടെന്നാണ് സോഷ്യല് മീഡിയയിലെ പ്രതികരണങ്ങള്.
https://www.facebook.com/Malayalivartha
