ഊഞ്ഞാലാടുകയായിരുന്ന ഒരു യുവതി മുതലയുള്ള തടാകത്തിലേക്കു വീഴുന്നതിന്റെ ഞെട്ടിക്കുന്ന ദൃശ്യങ്ങള്‍ വ്യാപകമായി പ്രചരിക്കുന്നു. ഫ്‌ളോറിഡയിലെ എവര്‍ഗ്ലേഡ്‌സിലുള്ള ഒരു നദിയുടെ സമീപമുള്ള വിനോദസഞ്ചാര കേന്ദ്രത്തിലാണ് സംഭവം.

തടാകത്തിന്റെ കരയ്ക്കു സമീപം ഒരു മുതല കിടക്കുമ്പോള്‍ സന്ദര്‍ശകരിലൊരാള്‍ മുതലയുടെ മുഖത്ത് തന്റെ കാലുകൊണ്ട് തട്ടുന്നതാണ് ദൃശ്യങ്ങളിലാദ്യം കാണുന്നത്. ഈ സമയം ഒരു യുവതി തടാകത്തില്‍ കൂടി നീന്തുന്നതു കാണാം.

അല്‍പ്പ സമയത്തിനു ശേഷം ഈ മുതല തിരികെ പോകുമ്പോള്‍ സന്ദര്‍ശകരിലൊരാളായ ഒരു യുവതി കയറില്‍ തൂങ്ങിയാടാന്‍ ശ്രമിക്കുകയായിരുന്നു. എന്നാല്‍ ഉടന്‍ തന്നെ ഇവര്‍ പിടിവിട്ട് വെള്ളത്തിലേക്കു വീഴുകയും ചെയ്തു. മുതലയുടെ സമീപത്തേക്കാണ് ഇവര്‍ വീണത്.

പരിഭ്രാന്തിയിലായ ഇവര്‍ പെട്ടന്നു തന്നെ മുതലയുടെ സമീപത്തു നിന്നും നീന്തി മാറി പോകുകയും ചെയ്തു. സമീപം നിന്നയൊരാളാണ് ഈ ദൃശ്യങ്ങള്‍ പകര്‍ത്തിയത്.

മുതല അക്രമാസക്തനാകാതിരുന്നതിനാലാണ് വലിയ അപകടമൊഴിവായതെന്നാണ് ഏവരുടെയും അഭിപ്രായം.