സൗദി അറേബ്യയിലെ ജിദ്ദയില്‍ സിംഹത്തിനൊപ്പം കളിക്കാന്‍ അനുവാദം ലഭിച്ച നിരവധി കുട്ടികളില്‍ ഒരു പെണ്‍കുട്ടിയെ സിംഹം ആക്രമിച്ചു. ഇവിടെ സംഘടിപ്പിച്ച ഒരു ഫെസ്റ്റിവലില്‍ സിംഹത്തോടൊപ്പം കളിക്കാന്‍ കുട്ടികളെ അനുവദിച്ചിരുന്നു.

കൂടിനുള്ളില്‍ സിംഹത്തിനു ചുറ്റും കുട്ടികള്‍ നില്‍ക്കുമ്പോള്‍ പെട്ടന്ന് സിംഹം അക്രമാസക്തനാകുകയായിരുന്നു. മാത്രമല്ല കുട്ടികളിലൊരാളെ ആക്രമിക്കുകയും ചെയ്തു. ഉടന്‍ തന്നെ ഇവിടേക്ക് ഓടിയെത്തിയ പരിശീലകന്‍ സിംഹത്തെ പിടിച്ചു കൊണ്ടു പോയതിനാല്‍ വലിയ അനിഷ്ടങ്ങളുണ്ടായില്ല.

സംഭവം വിവാദമായതിനെ തുടര്‍ന്ന് അധികൃതര്‍ ഈ ഫെസ്റ്റിവല്‍ നിര്‍ത്തലാക്കി. മാത്രമല്ല സംഭവത്തെപ്പറ്റി അന്വേഷണം പുരോഗമിക്കുകയാണെന്നും അധികൃതര്‍ അറിയിച്ചു.