റോഡുകളില്‍ വാഹനം കൊണ്ട് അഭ്യാസപ്രകടനം നടത്തുന്നത് അടുത്തകാലത്തായി വര്‍ദ്ധിച്ചിരിക്കയാണ്. ഈ അഭ്യാസം കാട്ടുന്നവര്‍ ഇതുകൊണ്ട് തങ്ങള്‍ക്കും നിരപരാധികളായ ചുറ്റുമുള്ളവര്‍ക്കും സംഭവിക്കാവുന്ന അപകടങ്ങളെക്കുറിച്ച് പലപ്പോഴും ബോധവാന്മാരായിരിക്കില്ല.

ഗുജറാത്തില്‍ നടന്ന ഇത്തരമൊരു അപകടത്തിന്റെ വിഡിയോ ഇപ്പോള്‍ സമൂഹ മാധ്യമങ്ങളില്‍ വൈറലാകുകയാണ്. അമിത വേഗത്തില്‍ വന്ന വാഹനം നിയന്ത്രണം നഷ്ടപ്പെട്ടു മറിയുന്നതാണ് വീഡിയോ.

വാഹനം ഡ്രിഫ്റ്റ് ചെയ്യാന്‍  ശ്രമിച്ചപ്പോഴാണ് അപകടം നടന്നതെന്നാണ് റിപ്പോര്‍ട്ട്. സമീപത്തെ പെട്രോള്‍ പമ്പിലെ സിസിടിവിയില്‍ പതിഞ്ഞ ദൃശ്യങ്ങളാണ് സമൂഹ മാധ്യമങ്ങളില്‍ വൈറലാവുന്നത്. മതിലില്‍ ഇടിച്ച് വാഹനം തലകുത്തി മറിയുന്നതും ഒടുവില്‍  കാറിനുള്ളില്‍ നിന്ന് രണ്ടുപേര്‍ ഇറങ്ങി വരുന്നതും വീഡിയോയില്‍ കാണാം.