ആമസോണ്‍ മേധാവി ജെഫ് ബെസോസ് ട്വിറ്ററില്‍ പോസ്റ്റ് ചെയ്ത ചിത്രം കണ്ട് നെറ്റിസന്‍സ് ആകെ വാപൊളിച്ചിരിക്കുകയാണ്. റോബോട്ട് നായയ്‌ക്കൊപ്പം കൂളായി നടക്കുന്ന ജെഫിന്റെ ചിത്രമാണ് ഏവരിലും വിസ്മയമുണര്‍ത്തിയിരിക്കുന്നത്. ഭാവിയിലേക്ക് സ്വാഗതം എന്ന അടിക്കുറിപ്പോടെ ബെസോസ് തന്നെ ചിത്രം പോസ്റ്റ് ചെയ്യുകയായിരുന്നു.

വളര്‍ത്തുനായയുടെ രൂപത്തിലും ഭാവത്തിലും ബെസോസിന്റെ വീട്ടിലെത്തിയ ഈ റോബോട്ട് നായയുടെ പേര് സ്‌പോട്ട് മിനി എന്നാണ്. ഇതിനു കുരയ്ക്കാനും വീടിന്റെ വാതില്‍ തുറക്കാനുമൊക്കെ കഴിവുണ്ട്. പക്ഷേ, കടിക്കില്ല. എന്തായാലും ഹോളിവുഡ് ചിത്രങ്ങളില്‍ മാത്രം കണ്ടിട്ടുള്ള റോബോട്ട് നായ ജെഫിന്റെ വീട്ടില്‍ യാഥാര്‍ഥ്യമായതിന്റെ അമ്പരപ്പും അദ്ഭുതവും സോഷ്യല്‍ മീഡിയയില്‍ നിറയുകയാണ്.