ഐപിഎല്‍ പരിശീലനത്തിനിടെ കുഞ്ഞ് ആരാധകനുമായി കളിക്കുന്ന ധോണിയുടെ വീഡിയോ സോഷ്യല്‍ മീഡിയ ഏറ്റെടുത്തു.

രണ്ട് വര്‍ഷത്തെ ഇടവേളയ്ക്ക് ശേഷം മഞ്ഞക്കുപ്പായത്തില്‍ മടങ്ങിയെത്തുന്ന മുന്‍ ഇന്ത്യന്‍ നായകന്‍ എംഎസ് ധോണി പരിശീലന തിരക്കിനിടെ കുട്ടി ആരാധകനുമായി കളിക്കുന്ന വീഡിയോയാണ് വൈറലായത്.

ഇന്ത്യയുടെ ടെസ്റ്റ് പരമ്പരയും ത്രിരാഷ്ട്ര ടൂര്‍ണമെന്റും നല്‍കിയ ഇടവേളക്ക് ശേഷം മടങ്ങിയെത്തിയ ധോണി പരിശീലനത്തില്‍ ശ്രദ്ധ ചെലുത്തിയിരിക്കുകയാണ്. അതേസമയം, മതാപിതാക്കള്‍ക്കും സഹോദരനോടുമൊപ്പമാണ് കുഞ്ഞുഫാന്‍ ധോണിയെ കാണാന്‍ എത്തിയത്.

കളി ചിരികള്‍ക്കൊടുവില്‍ കുട്ടി ആരാധകന് ധോണി ചെന്നൈ ടീമിന്റെ ജഴ്‌സി സമ്മാനമായി നല്‍കി. രണ്ട് വര്‍ഷത്തെ ഇടവേളക്കു ശേഷം കരുത്തരായ ചെന്നൈ സൂപ്പര്‍ കിംഗ്‌സും രാജസ്ഥാന്‍ റോയല്‍സും മടങ്ങിയെത്തുന്നതും ഈ കളിയുടെ പ്രത്യേകതയാണ്.