ആനയുടെ കുഞ്ഞുവാവയുടെ ചിരി കേട്ടിട്ടുണ്ടോ.... ഇതാ കേട്ടോളൂ!
ആറുമാസം പ്രായമുള്ള ഒരു ആനക്കുഞ്ഞ് തന്റെ സൂക്ഷിപ്പുകാരനോടൊത്ത് കളിക്കുമ്പോള്‍ മണിമണിയായി ചിരിക്കുന്നതിന്റെ വീഡിയോ ദൃശ്യങ്ങളാണിത്.
തായ്‌ലന്‍ഡിലെ ചിയാങ്‌മെയില്‍ ഉള്ള മേവാങ് എലിഫന്റ് ക്യാമ്പില്‍ നിന്നാണ് ഈ ദൃശ്യങ്ങള്‍ പകര്‍ത്തിയിട്ടുള്ളത്. അബെര്‍ദീന്‍ഷയറില്‍ നിന്നുള്ള ലോറ ജേന്‍ ഫൈഫെ താന്‍ ബിരുദം നേടിയത് ആഘോഷിക്കുന്നതിന്റെ ഭാഗമായുള്ള സഞ്ചാരത്തിനിടെയാണ് എലിഫന്റ് ക്യാമ്പില്‍ എത്തിയത്.
ഇതാ ഈ പ്ലാസ്റ്റിക് ബക്കറ്റ് എന്റെ കൈയ്യില്‍ നിന്ന് കൊണ്ട് പൊയ്‌ക്കൊള്ളൂ എന്ന് പറഞ്ഞു കൊണ്ട് വിളിക്കുന്ന തന്റെ സൂക്ഷിപ്പുകാരന്റെ അരികത്തേക്ക് ഓടിച്ചെല്ലുന്ന കുട്ടിയാനയ്ക്ക് ആ ബക്കറ്റ് കൊടുക്കാതെ പിന്നിലേക്ക് പിന്നിലേക്ക് വലിച്ചു കൊണ്ടു പോകുന്നത് ആനയെ നന്നായി രസിപ്പിക്കുന്നു. ഈ കളിക്കിടെയാണ് മനുഷ്യകുഞ്ഞുങ്ങള്‍ ചിരിക്കുന്നതു പോലെ ആനക്കുട്ടി ചിരിക്കുന്നത് കേള്‍ക്കുന്നത്.
2014-ലാണ് ലോറ ഈ വീഡിയോ ആദ്യമായി പോസ്റ്റ് ചെയ്തത്. ഈയിടെ ഇത് വീണ്ടും പോസ്റ്റ് ചെയ്തപ്പോഴും അവളുടെ ഫേസ്ബുക്ക് സുഹൃത്തുക്കള്‍ക്കൊക്കെ വളരെ ഇഷ്ടമായി.
https://www.facebook.com/Malayalivartha
