ലൂയിസിയാനയിലെ ഹെന്‍ഡേഴ്‌സണില്‍ താമസിക്കുന്ന ഫാബിയാന എന്ന 28-കാരിയ്ക്ക് സ്വന്തമായി ഒരു ബിക്കിനി ഉണ്ടാക്കണമെന്് മോഹമുദിച്ചു. ബിക്കിനികള്‍ക്ക് ലോകത്തില്‍ ക്ഷാമമൊന്നുമില്ലല്ലോ? അതു കൊണ്ട് അവളുടെ ബിക്കിനിക്ക് പെട്ടെന്ന് ശ്രദ്ധ പിടിച്ചു പറ്റണമെങ്കില്‍ എന്തെങ്കിലും വ്യത്യസ്തത കൊണ്ടുവന്നാലേ പറ്റുകയുള്ളൂ എന്നവള്‍ക്ക് മനസ്സിലായി.

ഹെന്‍ഡേഴ്‌സണിലെ ചതുപ്പ് പ്രദേശങ്ങള്‍ക്ക് ചുറ്റുമായിട്ടായിരുന്നു അവളുടെ ബാല്യകാലം. അന്ന് അവളുടെ ഡാഡിയുമൊത്ത് വേട്ടയ്ക്ക് പോയതിന്റെ ഒരുപാട് ഓര്‍മ്മകളുണ്ട് അവള്‍ക്ക്. അന്ന് വേട്ട ചെയ്തു പിടിക്കുന്ന മൃഗങ്ങളെ കുറിച്ച് അവളുടെ ഡാഡിയുടെ അഭിപ്രായം, മൃഗങ്ങളുടെ ഒരു അവയവവും ഉപയോഗശൂന്യമല്ല എന്നായിരുന്നു. ഒരു മാനിനെയാണ് വേട്ടയാടി പിടിക്കുന്നതെങ്കില്‍ അവളുടെ ഡാഡി അതിന്റെ മാംസം കഴിക്കാനെടുത്തിട്ട് അതിന്റെ തോല്‍, നിറം പിടിപ്പിച്ച് എന്തെങ്കിലും ഉപയോഗത്തിനെടുക്കും. അതിന്റെ എല്ലുകള്‍ പിച്ചാത്തിപ്പിടിയാക്കും. അങ്ങനെ ഒരു അവയവഭാഗവും പാഴാക്കില്ലായിരുന്നു.

ബിക്കിനി ഉണ്ടാക്കണമെന്ന ആഗ്രഹവുമായി ഇരിക്കുമ്പോഴാണ് ഡാഡിയുടെ ആശയം മനസ്സിലെത്തിയത്. എന്നാല്‍ ഏതെങ്കിലും മൃഗത്തിന്റെ ശരീരഭാഗങ്ങള്‍ ബിക്കിനി ഉണ്ടാക്കാന്‍ ഉപയോഗപ്പെടുത്തിയാലോ എന്നായി ചിന്ത. അന്ന് അവള്‍ ഒറ്റയ്ക്കാണ് വേട്ടയ്ക്കു പോയത്. അന്ന് കിട്ടിയത് കുറച്ചു തവളകളെയാണ്. എന്നാല്‍പ്പിന്നെ തവളയെ വച്ചു തന്നെ ബിക്കിനിയുണ്ടാക്കാമെന്നങ്ങ് വിചാരിച്ചു. അതിന്റെ മാംസം എല്ലാം കഴിക്കാനെടുത്തിട്ട് അവയെ തുന്നിച്ചേര്‍ത്ത് ഒരു ബിക്കിനി ഉണ്ടാക്കിയെടുത്തു. സാധാരണ തവളയെ കറിവയ്ക്കുമ്പോള്‍ അതിന്റെ വയറിന്റെ ഭാഗത്തായി മുറിച്ചിട്ട് തൊലി പൊളിച്ചു കളയുകയും ഉള്ളിലെ അവയവങ്ങള്‍ വലിച്ചു നീക്കുകയുമാണ് ചെയ്യുന്നത്. എന്നാല്‍ ഇത്തവണ അതിന്റെ തൊലിക്ക് വലിയ കുഴപ്പമൊന്നും വരാത്ത വിധത്തില്‍ വേണമായിരുന്നു മുറിക്കേണ്ടിയിരുന്നത്. അത് വളരെ ബുദ്ധിമുട്ടുള്ള കാര്യമായിരുന്നു എന്നാണ് ഫാബിയാന പറഞ്ഞത്. ഏതായാലും തവളയെ ഉപയോഗിച്ചുള്ള സ്വിംസ്യൂട്ടും ധരിച്ച് നില്‍ക്കുന്ന ഫാഡിയാനയുടെ ചിത്രം വൈറലാകുകയാണ്.

പട്ടുനൂല്‍പ്പുഴുവില്‍ നിന്നും പട്ടുനൂല്‍ എടുക്കാന്‍ നടത്തുന്ന പ്രവര്‍ത്തനത്തിനോളം ഭീകരതയുള്ള കാര്യമൊന്നുമല്ല, തവളകളെ തുന്നിച്ചേര്‍ത്തതെന്ന് എതിര്‍പ്പുമായെത്തിയവരോട് ഫാബിയാന പറഞ്ഞു. തവളയുടെ ശരീരം നന്നായി ഉണക്കിയെടുത്തതിനു ശേഷം കട്ടിയുള്ള നൂല്‍കൊണ്ട് തുന്നിച്ചേര്‍ക്കുകയായിരുന്നു. ബിക്കിനി വാട്ടര്‍പ്രൂഫ് ആകാന്‍ വേണ്ടി അനേക തവണ ഉയര്‍ന്ന തരം കോലരക്ക് തേച്ച് ഉണക്കിയെടുത്തുവത്രേ.

താന്‍ സൃഷ്ടിച്ച ബിക്കിനി കണ്ടപ്പോള്‍ സന്തോഷം തോന്നിയെങ്കിലും ബിക്കിനിയുടെ താഴത്തെ പീസിന് അടിഭാഗത്ത് ഒരു വള്ളിയിടാനുള്ള സൗകര്യമില്ലാത്തത് 'വശപ്പിശകായേക്കുമെന്ന' ഭയമുണ്ടത്രേ.