നിര്ത്തിയിട്ടിരുന്ന കാര് ഉരുട്ടി മാറ്റിയ വിരുതന് കാറ്റ്!
പാര്ക്കിംഗ് മേഖലയില് തന്റെ കാര് നിര്ത്തിയിട്ടിട്ട് മറ്റെന്തോ ആവശ്യത്തിനായി പോയതാണ് ചൈനയിലെ ക്വിംഗ്ഡോ സ്വദേശിയായ ഒരാള്. എന്നാല് അരമണിക്കൂറിനു ശേഷം തിരികെയെത്തിയപ്പോള് അദ്ദേഹം താന് നിര്ത്തിയിട്ടിരുന്നിടത്ത് കാര് കണ്ടില്ല. ആരെങ്കിലും കാര് മോഷ്ടിച്ചതാകാം എന്ന നിഗമനത്തില് എത്തിച്ചേര്ന്ന അദ്ദേഹം ഉടന് തന്നെ പരാതിയുമായി പോലീസിനെ സമീപിച്ചു.
തുടര്ന്ന് പോലീസെത്തി സമീപത്തെ സിസിടിവി ദൃശ്യങ്ങള് പരിശോധിച്ചപ്പോഴാണ് യഥാര്ത്ഥ കള്ളനെ പിടികൂടിയത്. കാരണം മനുഷ്യരൊന്നുമായിരുന്നില്ല ആ കാര് അവിടെ നിന്നും മാറ്റിയതിനു പിന്നില്.
പകരം അതിശക്തമായി വീശിയടിച്ച കാറ്റിന്റെ ശക്തിയിലാണ് ഈ കാര് പാര്ക്ക് ചെയ്തിരുന്നിടത്തു നിന്നും തനിയെ നിരങ്ങി പോയത്. ഏകദേശം അമ്പത് മീറ്ററോളമാണ് കാര് നീങ്ങി പോയത്. ഇത്രയും ദൂരത്തേക്ക് ഈ കാര് തെന്നി നീങ്ങി എങ്കിലും മറ്റ് അപകടങ്ങളൊന്നുമുണ്ടായില്ല.
https://www.facebook.com/Malayalivartha
