മടക്കി ,പെട്ടിക്കകത്തു വച്ച് ഹെലികോപ്ടറില് തൂക്കിയിട്ട് എവിടേക്കു വേണമെങ്കിലും കൊണ്ടുപോകാവുന്ന വീട്; 'സ്കൈഷെല്ട്ടര്'
പ്രകൃതിദുരന്തങ്ങള്ക്കു ശേഷം എല്ലാം തകര്ന്നു തരിപ്പണമായിരിക്കുമ്പോള് പെട്ടെന്ന് അവിടെ ഒരു കൂറ്റന് സ്തംഭം ഉയര്ന്നാലോ? സയന്സ് ഫിക്ഷന് സിനിമാക്കഥയൊന്നുമല്ല. വൈകാതെ തന്നെ ലോകം കാണാനിരിക്കുന്ന സംഭവമാണ്. പ്രകൃതിദുരന്തങ്ങളിലും മറ്റും പെട്ട് ഒരു പ്രദേശം തന്നെ തകര്ന്നിരിക്കുമ്പോള് വീടുകള് നഷ്ടപ്പെട്ടവര്ക്കായി നിര്മിക്കാന് പോകുന്ന പുതിയ തരം 'കെട്ടിട'മാണ് ആ വെളുത്ത സ്തംഭം. കാഴ്ചയില് കടലാസുകെട്ടിടം പോലിരിക്കും. കടലാസുകള് കൊണ്ടു വിവിധ വസ്തുക്കള് നിര്മിക്കുന്ന 'ഒറിഗാമി' രീതിയില് നിന്ന് പ്രചോദനം ഉള്ക്കൊണ്ടാണ് പോളണ്ടില് നിന്നുള്ള ഒരു കൂട്ടം ആര്ക്കിടെക്ടുമാര് 'സ്കൈഷെല്ട്ടര്' എന്ന ഈ നീളന് കെട്ടിടം ഡിസൈന് ചെയ്തെടുത്തത്.
മടക്കി ഒരു വലിയ പെട്ടിക്കകത്തു വച്ച് ഹെലികോപ്ടറില് തൂക്കിയിട്ട് എവിടേക്കു വേണമെങ്കിലും കൊണ്ടുപോകാമെന്നതാണ് ഈ 'കെട്ടിട'ത്തിന്റെ പ്രത്യേകത. ദുരന്ത ബാധിത പ്രദേശത്ത് എത്തിയാലുടന് ഇത് നിലത്തിറക്കാം. ഹീലിയം ബലൂണിനകത്താണ് ഈ കെട്ടിടത്തിന്റെ ഭാഗങ്ങള് നിര്മിച്ചിരിക്കുന്നത്. അതിനാല്ത്തന്നെ പെട്ടെന്നു തന്നെ ഹീലിയം നിറച്ച് വലുതാക്കിയെടുക്കാം. ഇത് നിറയ്ക്കുന്നതിന്റെ അളവനുസരിച്ചായിരിക്കും കെട്ടിടത്തിന്റെ ഓരോ നിലയും 'വീര്ത്തു' വരിക. കരുത്തുറ്റ ബലൂണ് വഴി കാറ്റില് നിന്നും മഴയില് നിന്നുമെല്ലാം സംരക്ഷണവും ലഭിക്കും. സാധാരണ ഇത്തരം ദുരന്ത ഘട്ടങ്ങളില് ടെന്റുകളും കണ്ടെയ്നറുകളുമാണ് ഉപയോഗിക്കുക പതിവ്. എന്നാല് ഇത്തരം അഭയസ്ഥാനങ്ങള് നിര്മിച്ചെടുക്കാന് ഏറെ സമയമെടുക്കും. നിര്മിക്കാന് പറ്റിയ സ്ഥലം കണ്ടെത്താനും ബുദ്ധിമുട്ടാണ്. എന്നാല് ഇളകിമറിഞ്ഞു കിടക്കുന്ന മണ്ണില് പോലും യാതൊരു കുഴപ്പവുമില്ലാതെ നില്ക്കുമെന്നതാണ് സ്കൈഷെല്ട്ടറിന്റെ പ്രത്യേകത.
ജനവാസമുള്ളയിടങ്ങളില് വരെ ഇത് നിര്മിക്കാനാകും. കൂടാതെ ടെന്റുകളും കണ്ടെയ്നറുകളും സ്ഥാപിക്കാന് വേണ്ടതിനേക്കാളും വളരെ കുറഞ്ഞ സ്ഥലം മതി. അവയിലേക്കാളുമേറെപ്പേരെ സ്കൈഷെല്ട്ടറില് താമസിപ്പിക്കാനാകുമാകും. പെട്ടെന്നു തന്നെ എവിടെ വേണമെങ്കിലും എത്തിക്കാമെന്ന പ്രത്യേകതയുമുണ്ട്. ജപ്പാനില് കൃഷിഭൂമി ഇല്ലാത്തയിടങ്ങളില് കൃഷിക്കായി ഉപയോഗിക്കുന്ന പരമ്പരാഗത രീതിയില് അല്പം മാറ്റം വരുത്തിയപ്പോഴാണ് ഈ ആശയം ജനിക്കുന്നത്. സ്കൈഷെല്ട്ടറിനു മേല് പതിക്കുന്ന സൂര്യപ്രകാശം ഉപയോഗിച്ച് സോളര് സെല്ലുകള് പ്രവര്ത്തിപ്പിക്കാം. ഇതിലേക്കു വീഴുന്ന മഴവെള്ളം ശുദ്ധീകരിച്ച് കുടിവെള്ളമായും ഉപയോഗിക്കാം.
https://www.facebook.com/Malayalivartha
