ഒന്മ്പത് മാസത്തിനിടെ രണ്ട് പ്രസവം, 4 മക്കള്
ഒന്മ്പത് മാസത്തിനിടെ നാലു കുഞ്ഞുങ്ങളുടെ മാതാപിതാക്കളായി റെക്കോര്ഡിട്ടിരിക്കുകയാണ് കെന്റിലെ ക്രേഫോര്ഡില് താമസിക്കുന്ന സാറ വാര്ഡും ബെന് സ്മിത്തും. ഇവരുടെ ആദ്യത്തെ കണ്മണി ഫ്രെഡിക്ക് ഒന്പതു മാസമായപ്പോഴാണ് അടുത്ത മൂന്നു കുഞ്ഞുങ്ങളുടെ ജനനം.
ജനിച്ചു വെറും ഒന്പതു മാസമായപ്പോഴേ കുഞ്ഞു ഫ്രെഡി, കുടുംബത്തിലെ വലിയ ചേട്ടനായി. ചേട്ടാന്നു വിളിച്ച് ഫ്രെഡിയെ അള്ളി പിടിക്കാന് രണ്ട് അനുജന്മാരും ഒരു കുഞ്ഞുപെങ്ങളും. ഇവരുടെ പേരാണ് സ്റ്റാന്ലി, റെഗി, ഡെയ്സി.
ഫ്രെഡി ജനിച്ച് ഏതാനും ആഴ്ചകള് കഴിഞ്ഞയുടന് 2013 ജൂണില് സാറ വീണ്ടും ഗര്ഭിണിയായി. വയറ്റിലുള്ളത് ഒന്നും രണ്ടുമല്ല മൂന്നുപേരെന്ന് അറിഞ്ഞപ്പോഴേ പേടിയായെങ്കിലും അവര് പരീക്ഷണത്തിനൊരുങ്ങുകയായിരുന്നു. ഏതെങ്കിലും ഒരു ഭ്രൂണത്തെ ഒഴിവാക്കിയുള്ള ഗര്ഭച്ഛിദ്രം നിര്ദ്ദേശിച്ചെങ്കിലും സാറയും ബെന്നും സമ്മതിച്ചില്ല. പത്തു മാസം തികയും മുമ്പേ മൂവരും ശസ്ത്രക്രിയയിലൂടെ പുറത്തെത്തി. മൂവരെയും കണ്ടപ്പോഴുണ്ടായ സന്തോഷം അവര്ക്ക് പറഞ്ഞറിയിക്കാനാവില്ല. മൂപ്പത്തൊന്നുകാരനായ ബെന് പോസ്റ്റ് ഓഫീസ് ജീവനക്കാരനാണ്. 29 വയസ്സുള്ള സാറ ഒരു കെയര് ഹോം മാനേജരായിരുന്നു. നാലു മക്കളെയും പൊന്നു പോലെ നോക്കുക എന്ന ജോലിയാണ് സാറയ്ക്ക് ഇപ്പോഴുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha