അംബികാമ്മാള് പറഞ്ഞത് കാര്യമായെടുക്കാന് ആര്ക്കും തോന്നിയില്ലല്ലോ എന്ന സങ്കടം ബാക്കി!
ചെല്ലം അമ്പ്രല്ല മാര്ട്ടിലെ തുന്നല് ജോലികള് ചെയ്യുന്ന അംബികാമ്മാള് ഗോഡൗണിനു പിന്നിലെ വീട്ടിലാണ് താമസിക്കുന്നത്. കഴിഞ്ഞ ദിവസം വീടിനു പിന്ഭാഗത്തിറങ്ങിയപ്പോള് പ്ലാസ്റ്റിക് കത്തുന്ന ഗന്ധം; പതിവില്ലാത്ത പുക. മാലിന്യം കത്തിക്കാറുണ്ടെങ്കിലും ഇങ്ങനെ ഉണ്ടാകാറില്ലല്ലോ?' അംബികാമ്മാളിന് എന്തൊക്കയോ ആശങ്ക തോന്നി.
രാവിലെ 7.30-നു പുക കണ്ടതും അവര് സമീപത്തെ ചായക്കട ഉടമയോടു വിവരം പറഞ്ഞു. പലഹാരങ്ങള് തയാറാക്കുന്ന തിരക്കായതിനാല് അദ്ദേഹം കാര്യമായെടുത്തില്ല. മിക്ക കടകളിലും പിന്ഭാഗത്തു മാലിന്യം കത്തിക്കാറുണ്ട്. അതുപറഞ്ഞ് അദ്ദേഹം അംബികാമ്മാളിനെ സമാധാനിപ്പിച്ചു.
അംബികാമ്മാള് വീട്ടില് തിരിച്ചെത്തിയപ്പോള് പുക കൂടിവരുന്നുണ്ട്. അവരുടെ ഭര്ത്താവ് ആര്.തങ്കപ്പന് പുറത്തിറങ്ങി. ചെല്ലം അമ്പ്രല്ല മാര്ട്ട്, സുപ്രീം ലതേഴ്സ് എന്നിവയുടെ സുരക്ഷാജീവനക്കാരെ തേടിപ്പോയെങ്കിലും അവിടെ ആരും ഉണ്ടായിരുന്നില്ല. ചെല്ലം അമ്പ്രല്ലയ്ക്കു സമീപത്ത് ലോട്ടറി കച്ചവടം നടത്തുന്നയാളിനോടു വിവരം പറഞ്ഞു.
അയാളാകട്ടെ രാവിലെ ലോട്ടറികള് അടുക്കുന്ന തിരക്കിലും. തങ്കപ്പന്പിള്ള വീട്ടില് മടങ്ങിയെത്തി. ഒരു മണിക്കൂര് കഴിഞ്ഞപ്പോള് വീടിനു പിന്ഭാഗത്തിറങ്ങിയ അംബികാമ്മാള് തീപടരുന്നതു കണ്ടു. ഭയന്നുവിറച്ച അവര് വീണ്ടും വെളിയിലിറങ്ങി ആളുകളോടു വിവരം പറഞ്ഞപ്പോഴാണു അഗ്നിശനമനസേനയെ വിളിച്ചത്.
https://www.facebook.com/Malayalivartha
