പിറവി ആറാം മാസം, 5 തവണ ഹൃദയസ്തംഭനം അസുഖങ്ങളുടെ ഘോഷയാത്ര ജീവിതത്തില്‍ വന്നിട്ടും അതെല്ലാം അതിജീവിച്ച പിഞ്ചുകുട്ടി അതാണ് ഇസ്ല. ഇസ്ല അലന്‍ എന്ന അഞ്ച് മാസം പ്രായമുളള പിഞ്ചുകുഞ്ഞ് ഒരു അത്ഭുത കുട്ടിയാണ്. ആറാം മാസത്തിലാണ് ഇസ്ല പിറന്നുവീണത്. ഭൂമിയിലേക്ക് വന്നതു മുതല്‍ അടുത്ത കാലം വരെ ഈ കുഞ്ഞു സുന്ദരി അമ്മ മാക്‌സി സ്‌കൈ ഫോസ്റ്റര്‍ക്ക് കരള്‍ പറിയുന്ന വേദനയല്ലാതെ മറ്റൊന്നും നല്‍കിയിരുന്നില്ല.

ഒന്നിനു പിറകേ മറ്റൊന്നായി വന്ന ആരോഗ്യപരമായ വൈഷമ്യങ്ങള്‍ കുഞ്ഞിനെ ജീവനോടെ കിട്ടുമോ എന്ന ആശങ്കയ്ക്ക് കാരണമായിരുന്നു. കഴിഞ്ഞ ഓഗസ്റ്റില്‍ പിറന്നുവീണപ്പോള്‍ വെറും 700 ഗ്രാം മാത്രമായിരുന്നു ഇസ്ലക്കുണ്ടായിരുന്നത്. കുഞ്ഞിന്റെ ഹൃദയം അഞ്ച് തവണ നിലച്ചുപോയിരുന്നു. ഒരു തവണ അരമണിക്കൂറോളം ഹൃദയം മിടിച്ചില്ല!

കടുത്ത ശ്വാസകോശ രോഗം മൂലം ഒരിക്കല്‍ 10 മിനിറ്റ് സമയം ശ്വാസമെടുത്തില്ല. അണുബാധ മൂലം ഒന്നിലധികം തവണ രക്തം മാറ്റേണ്ടിവന്നു. കിഡ്‌നി സംബന്ധമായ അസുഖവും ഇസ്ലയെ പരീക്ഷണക്കിടക്കയിലാക്കി. ഇപ്പോള്‍ അതെല്ലാം അതിജീവിച്ച് ഇവള്‍ സ്വന്തം വീട്ടില്‍ മിടുക്കിയായി എത്തിയിരിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha