താന്‍ മാത്രമല്ല തന്റെ ഭാര്യയും മോഹന്‍ലാലിന്റെ കട്ട ഫാനാണെന്ന് വിക്രം. ”എന്റെ ഭാര്യ ലാലേട്ടന്റെ ഭയങ്കര ഫാനാണ്. വലിയ ശബ്ദമാണ് ലാലേട്ടന്റെ പേരു കേട്ടാല്‍ ഭാര്യ ഉണ്ടാക്കുക. ഞാന്‍ ഏത് സിനിമയില്‍ അഭിനയിച്ചാലും ഭാര്യ പറയും ലാലേട്ടന്റെ അത്രയ്ക്കു ആയിട്ടില്ലെന്ന്. അന്യന്‍ ഞാന്‍ നന്നായി ചെയ്തു. എന്നിട്ടും ഭാര്യ പറഞ്ഞു ‘ലാലേട്ടനാണെങ്കില്‍ അത് വേറെ ലെവലായേനെ’ എന്ന്.

മമ്മൂട്ടിയെയും മോഹന്‍ലാലിനെയും തനിക്കു വലിയ ഇഷ്ടമാണെന്നും രണ്ടുപേരും മികച്ച നടന്‍മാരാണെന്നും വിക്രം നേരത്തെ പറഞ്ഞിട്ടുണ്ട്. ധ്രുവം സിനിമയില്‍ ജയറാം മരിക്കുന്ന ഭാഗത്ത് മമ്മൂക്ക കരയുന്നതു കണ്ട് അതിശയിച്ചു പോയിട്ടുണ്ടെന്നും വിക്രം പറഞ്ഞിരുന്നു.