പണ്ട് ..പണ്ട്..ഒരിടത്ത് ഒരിടത്ത് ..മുത്തശ്ശി കഥ കേട്ട് വളരട്ടെ കുഞ്ഞുങ്ങൾ .കഥ കേട്ട് വളരട്ടെ കുഞ്ഞുങ്ങൾ ...!
പണ്ട് നമ്മുടെ വീട്ടിൽ ..ഒരുപക്ഷെ നമ്മുടെ കുട്ടികാലത്ത് ഒരുപാട് അംഗങ്ങൾ ഉണ്ടായിരുന്നു നമ്മുടെയൊക്കെ വീട്ടിൽ. അച്ഛൻ 'അമ്മ ...ഒത്തിരി സഹോദരങ്ങൾ ..മുത്തശ്ശി മുത്തശ്ശൻ ..അങ്ങനെ എത്രയോ പേർ ..ഇന്ന് കാലം മാറി ..അണുകുടുംബം എന്ന ഒരു കുഞ്ഞ് ലോകത്തേയ്ക്ക് നമ്മൾ കൂട് മാറി. ജോലിക്കാര്യം പറഞ്ഞു കുഞ്ഞുങ്ങളുമൊത്ത് നഗരത്തിലേയ്ക്ക് ചേക്കേറുമ്പോൾ അങ്ങകലെ മുത്തശ്ശനും മുത്തശ്ശിയും ഒറ്റയ്ക്കാകുന്നു. പിന്നീട് ഒരു ഫോൺകോളിലോ, അവധിക്കാലത്തെ നാലോ അഞ്ചോ ദിവസത്തെ സന്ദർശനത്തിലോ മുത്തശ്ശിയും മുത്തശ്ശനും കൊച്ചുമക്കളുമായുള്ള ബന്ധം ഒതുങ്ങിത്തീരുന്നു. നമ്മുടെ കുട്ടികൾ മുത്തശ്ശനും മുത്തശ്ശിക്കുമൊപ്പം നിൽക്കുന്നതുകൊണ്ട് ഉണ്ടാകുന്ന ഗുണങ്ങൾ ..അത് ഒരുപാടാണ് ..അവരുടെ കഥകൾ കേട്ട് ഉറങ്ങുന്ന ഒരു ബാല്യം അവർക്ക് മുന്നിൽ നിഷേധിക്കരുത്. അത് കൊണ്ട് അവർക്ക് ഗുണമേ ഉണ്ടാകുകയുള്ളൂ
കുട്ടികൾ ഈ വിശാല ലോകത്ത് ഒറ്റപ്പെടില്ല ...അവർക്ക് ചുറ്റും ആളും അനക്കവും കാണും അങ്ങനെ ഒത്തിരി ആക്റ്റീവ് ആയി എനെർജിറ്റിക് ആയി നല്ല നാളേക്കായി അവർ ഒത്തിരി മൂല്യം ശേഖരിച്ച് വളരും . ചുരുക്കം പറഞ്ഞാൽ ലോകം കണ്ടു കുഞ്ഞുങ്ങൾ വളരുന്നു എന്ന് തന്നെ പറയാം.മറ്റൊരു പ്രധാന സവിശേഷത, മുത്തശ്ശനും മുത്തശ്ശിക്കുമൊപ്പം നിൽക്കുന്ന കുട്ടികളിൽ ആശയ വിനിമയ പാഠവവും അറിവും വർധിക്കുന്നതായി പഠനങ്ങൾ വ്യക്തമാക്കുന്നു. മുത്തശ്ശി പറയുന്ന കഥകളിലൂടെ കുട്ടികളുടെ ഭാവനശേഷിയും ഓർമയും വർധിക്കുന്നു. അമ്മമാർ കഥ പറഞ്ഞുകൊടുത്താലും ഒരേ ഫലം തന്നെയല്ലേ എന്നാണ് ചോദ്യമെങ്കിൽ, അല്ല എന്നാണ് ഉത്തരം. കാരണം മാതാപിതാക്കളെക്കാൾ ഏറെ വാത്സല്യം ചേർത്തു കഥ പറയാൻ അറിയുന്നത് മുത്തശ്ശിമാർക്ക് തന്നെ.
മാതാപിതാക്കൾ നൽകുന്ന ശിക്ഷണത്തേക്കാൾ പലകാര്യങ്ങളിലും എളുപ്പം ഫലം കാണുക മുത്തശ്ശനും മുത്തശ്ശിയും പറയുന്ന കാര്യങ്ങൾക്കായിരിക്കും. സ്നേഹം, വാത്സല്യം, ഒപ്പം പ്രായത്തിന്റേതായ ബഹുമാനം എന്നിവ ചേർത്ത് മുത്തശ്ശനും മുത്തശിയും പറയുന്ന കാര്യങ്ങൾ എളുപ്പത്തിൽ നടപ്പിലാക്കാൻ കുട്ടികൾ തയ്യാറാകുന്നു. അവർ ആവശ്യപ്പെടുന്ന കാര്യങ്ങൾ കൃത്യമായി ഓർമയിൽ സൂക്ഷിക്കുകയും അതിനൊത്ത് പെരുമാറുകയും ചെയ്യുന്നു. അങ്ങനെ നല്ലത് ചൊല്ലി ഓരോ മുത്തശ്ശിമാരും അവരുടെ കുഞ്ഞോമനകളെ വളർത്തും. ഏറെ സ്നേഹത്തോടെ ഒത്തിരി ലാളനയോടെ . അവരുടെ കരങ്ങളിൽ നമ്മുടെ കുഞ്ഞുങ്ങളുടെ ഭാവി സുരക്ഷിതമാണ്.
https://www.facebook.com/Malayalivartha