ഇന്ത്യയിലെ വിവാഹിതരിൽ 49 ശതമാനം പേർക്കും പങ്കാളിയല്ലാതെ മറ്റൊരാളുമായി അടുപ്പമുണ്ടെന്ന് പ്രമുഖ ഡേറ്റിങ് ആപ്ലിക്കേഷനായ ഗ്ലീഡന്റെ ഏറ്റവും പുതിയ സര്‍വേ റിപ്പോര്‍ട്ട്. ഇണകളെ വഞ്ചിക്കുന്നതിൽ 56 ശതമാനവും സ്ത്രീകളാണെന്നും, ഭർത്താക്കൻമാരിൽ നിന്ന് ഇത് രഹസ്യമായി വയ്ക്കാൻ ഇവർക്കായിരിക്കും മിടുക്ക് കൂടുതലെന്നും സർവേ റിപ്പോർട്ടിൽ വ്യക്തമാക്കുന്നു. വിവാഹേതര ബന്ധങ്ങൾ പ്രോൽസാഹിപ്പിക്കുന്ന ഡേറ്റിങ് ആപ്പിന്റെ പുറത്ത് വന്നിരിക്കുന്ന സര്‍വേ ഫലങ്ങള്‍ ഞെട്ടിയ്ക്കുന്നതും കുടുംബ ബന്ധങ്ങളെ ശിഥിലമാക്കുന്നതുമാണ്. ഡല്‍ഹി, മുംബൈ, ബെംഗളൂരു, ചെന്നൈ, ഹൈദരാബാദ്, പൂനെ, കൊല്‍ക്കത്ത, അഹമ്മദാബാദ് എന്നിവിടങ്ങളിലായി 25 നും 50 നും ഇടയില്‍ പ്രായമുള്ള 1,525 വിവാഹിതരിലാണ് സർവേ നടത്തിയത്.

വാസ്തവത്തില്‍, 48 ശതമാനം ഇന്ത്യക്കാരും ഒരേ സമയം രണ്ട് ആളുകളുമായി പ്രണയത്തിലാകാന്‍ സാധ്യതയുണ്ടെന്ന് വിശ്വസിക്കുന്നു. 46 ശതമാനം പേര്‍ ഒരു വ്യക്തിയുമായി പ്രണയത്തിലായിരിക്കുമ്പോൾ തന്നെ ചതിക്കാമെന്ന് കരുതുന്നു. ഈ കാരണത്താലാണ് പങ്കാളികള്‍ തമ്മില്‍ ക്ഷമിക്കാന്‍ തയ്യാറാകുന്നത്. 7 ശതമാനം പങ്കാളിയോട് രണ്ടാമതൊന്ന് ആലോചിക്കാതെ ക്ഷമിക്കും. സാഹചര്യങ്ങള്‍ വിശദീകരിക്കുകയാണെങ്കില്‍ 40 ശതമാനം പേര്‍ അങ്ങനെ ചെയ്യും. ഇതുപോലെ, 69 ശതമാനം പേരും അവരുടെ പങ്കാളി ക്ഷമിക്കപ്പെടുമെന്ന് പ്രതീക്ഷിക്കുന്നവരാണ്. ഇന്ത്യയിലെ വിവാഹമോചന നിരക്ക് ലോകത്തിലെ ഏറ്റവും താഴ്ന്ന നിരക്കായ 1 ശതമാനം ആണെന്നാണ് സര്‍വേ റിപ്പോര്‍ട്ട് ചെയ്യുന്നത്. ഇവിടെ ആയിരം ദമ്പതികളിൽ 13 പേര്‍ മാത്രമേ വേര്‍പ്പിരിയൊന്നുള്ളൂ. 90 ശതമാനം ഇന്ത്യന്‍ വിവാഹങ്ങള്‍ ഇപ്പോഴും കുടുംബങ്ങളാണ് നിശ്ചയിച്ചിട്ടുള്ളത്. 5 ശതമാനം ദമ്പതികൾ മാത്രമാണ് പ്രണയത്തിലൂടെ വിവാഹം കഴിക്കുന്നത്.

കൂടാതെ, ഇന്ത്യയിലെ വിവാഹിതരില്‍ 49 ശതമാനം പേരും തങ്ങളുടെ പങ്കാളിയല്ലാതെ മറ്റൊരാളുമായി അടുപ്പമുണ്ടെന്ന് സമ്മതിച്ചിട്ടുണ്ട്. അതേസമയം, 10 ല്‍ 5 പേരും ഇതിനകം തന്നെ ലൈംഗിക ബന്ധത്തില്‍ ഏര്‍പ്പെട്ടിട്ടുണ്ട് (47%). സ്ത്രീകളാണ് അവിശ്വാസത്തിന് ഏറ്റവും തടസ്സമില്ലാത്തതെന്നും കണ്ടെത്തി. ഇവരില്‍ 41 ശതമാനം പേര്‍ പങ്കാളിയല്ലാതെ മറ്റൊരാളുമായി പതിവായി ലൈംഗിക ബന്ധത്തില്‍ ഏര്‍പ്പെട്ടതായി സമ്മതിച്ചിട്ടുണ്ട്. എന്നാല്‍ ഇക്കാര്യത്തില്‍ 26 ശതമാനം മാത്രമാണ് പുരുഷന്മാര്‍. വിവാഹിതരായ 34നും 49നും ഇടയില്‍ പ്രായമുള്ള സ്ത്രീകള്‍ ധാരാളമായി ഡേറ്റിങ് ആപ് ഉപയോഗിക്കുന്നുണ്ട്. നിലവില്‍ ആറു ലക്ഷം സ്ത്രീകള്‍ ആപ് ഉപയോഗിക്കുന്നുണ്ട്.

ഇന്ത്യയിലെ 77 ശതമാനം സ്ത്രീകളും തങ്ങളുടെ പങ്കാളികള്‍ അറിയാതെ അന്യബന്ധത്തില്‍ ആനന്ദം കണ്ടെത്തുന്നുണ്ടത്രേ. ഇതിനവരെ പ്രേരിപ്പിക്കുന്ന പ്രധാന വികാരം നിലവിലുള്ള ബന്ധങ്ങളിലെ വിരസത തന്നെയാണ്. പങ്കാളികളെ കബളിപ്പിക്കുന്ന സ്ത്രീകള്‍ ഏറ്റവും കൂടുലുള്ളത് ബെംഗളൂരുവില്‍. മുംബൈയും കൊല്‍ക്കത്തയും അടുത്ത രണ്ടു സ്ഥാനങ്ങളിലും. 31 ശതമാനം സ്ത്രീകള്‍ക്ക് അയല്‍വക്കത്തുള്ളവരുമായി വിവാഹേതരബന്ധമെന്നും ആപ് നടത്തിയ പഠനത്തില്‍ മുമ്പ് കണ്ടെത്തിയിരുന്നു.