കോവിഡ് മൂലം വിവാഹത്തിന്റേയും പരീക്ഷയുടേയും തീയതി മാറ്റി, പിന്നെ തീയതി എത്തിയപ്പോഴും കോവിഡ് പോയിട്ടില്ല, പക്ഷേ ഇത്തവണ ആര്യ പിന്മാറിയില്ല...!
കോഴഞ്ചേരി സെന്റ് തോമസ കോളജിലെ മൂന്നാം വര്ഷ ബികോം വിദ്യാര്ഥിനിയും കൊടുമണ് ചരുവിള പുത്തന് വീട്ടില് രവീന്ദ്രന്റെ മകളുമായ ആര്. ആര്യയും അങ്ങാടിക്കല് സ്വദേശി അനില് കുമാറുമായുള്ള വിവാഹം ഏപ്രില് 5-ന് നടത്താന് നിശ്ചയിച്ചിരുന്നതാണ്.
കോവിഡിന്റെ വരവോടെ വിവാഹം മാറ്റി. സര്വകലാശാലകളും പരീക്ഷകള് മാറ്റിവച്ചു. മാറ്റിവച്ച പരീക്ഷകള് മേയ് അവസാനം നടക്കുമെന്ന് അറിയിച്ചു. അതിന് പ്രകാരം ജൂണിലേക്ക് കല്യാണം തീരുമാനിച്ചു. പിന്നീട് ലോക്ഡൗണ് നീട്ടിയതോടെ പരീക്ഷ ജൂണ് ഒന്നിലേക്ക് മാറ്റി. അങ്ങനെ കല്യാണവും പരീക്ഷയും ഒരുദിവസം എത്തി.
കല്യാണം കൊടുമണ് വൈകുണ്ഠപുരം ക്ഷേത്രത്തില് 12-നും 12.30-നും ഉള്ള മുഹൂര്ത്തത്തില് നടന്നു. 1.15-ന് പരീക്ഷ ഹാളില് എത്തേണ്ടതിനാല് കല്യാണ സദ്യപോലും കഴിക്കാതെ ആര്യ വരനുമൊത്ത് കോളജിലേക്ക് എത്തി.
എംജി സര്വകലാശാല ഇന്നലെ പുനരാരംഭിച്ച 6-ാം സെമസ്റ്റര് ബികോം പരീക്ഷ എഴുതുന്നതിനാണ് വിവാഹ വേഷത്തില് ആര്യ സെന്റ് തോമസ് കോളജിലെ പരീക്ഷ ഹാളില് എത്തിയത്. പരീക്ഷ കഴിയും വരെ വരന് ഹാളിന് പുറത്ത് കാത്തിരുന്നു.
https://www.facebook.com/Malayalivartha
