മുപ്പത്തി മൂന്നുകാരി പന്ത്രണ്ടാം പ്രസവത്തിനൊരുങ്ങുന്നു, പ്രസവത്തോടൊപ്പം വിവാഹവും, എല്ലാ ചെലവും സര്ക്കാരിന്റെ വക
സ്ത്രീകള് പ്രസവിക്കുന്നത് പുത്തരിയൊന്നുമല്ല. എന്നാല്, മുപ്പത്തി മൂന്നാം വയസില് പന്ത്രണ്ടാം പ്രസവത്തിനൊരുങ്ങുക എന്ന് പറയുമ്പോള് അത് എല്ലാവരെയും അതിശയിപ്പിക്കുന്ന ഒന്ന് തന്നെയാണ്. 11 മക്കളുടെ അമ്മയായ 33കാരി അടുത്തൊരു വിവാഹത്തിന് കൂടി തയാറാകുന്നു. ആരാണ് ഈ വ്യക്തി എന്നല്ലേ.? ഷെറില് പ്രദമിന് എന്നാണ് ആ അമ്മയുടെ പേര്.
11 കുട്ടികളുടെ അമ്മയാണെങ്കിലും ഇനിയും കുട്ടികള് വേണമെന്നാണ് ഈ അമ്മയുടെ അതിയായ ആഗ്രഹം.
എത്ര കുഞ്ഞുങ്ങള്ക്ക് ഇനിയും ജന്മം നല്കുമെന്ന് ഷെറിലിന് ഇപ്പോഴും വ്യക്തമല്ല. തന്റെ 11 മക്കളില് അഞ്ചു പേരുടെ അച്ഛനായ മുന് ഭര്ത്താവ് 30 കാരന് റോബര്ട്ടിനെ തന്നെയാണ് ഷെറില് വീണ്ടും വിവാഹം കഴിക്കാന് പോകുന്നതെന്നതാണ് അതിശയിപ്പിക്കുന്ന മറ്റൊരു സംഭവം.
ഷെറിലിന്റെ മുന്നിലെ ഓരേയൊരു ലക്ഷ്യം ഇനിയും കുട്ടികളെ ഉണ്ടാക്കുക എന്നതാണ്. സര്ക്കാര് ചെലവിലാണ് ഈ അമ്മയുടെ പ്രസവവും. പ്രതിവര്ഷം 39000 പൗണ്ട് സര്ക്കാരില് നിന്നുള്ള ബെനിഫിറ്റായി ഇവര് കൈപ്പറ്റുന്നുണ്ടെന്നാണ് അറിയുന്നത്. ഡ്രൈവറായി ജോലി നോക്കി വരികയാണ് റോബര്ട്ട്. ഇയാള്ക്ക് മാസശമ്പളമായി ലഭിക്കുന്നത് 1600 പൗണ്ടാണ്.
ഇയാളുടെ ശമ്പളം 1600 പൗണ്ട് കൂടി ലഭിക്കുമ്പോള് ഇവരുടെ വാര്ഷിക വരുമാനം 60,000 പൗണ്ടിലെത്തുന്നു. നികുതിദായകരുടെ പണമാണെങ്കിലും ജീവിതത്തില് ആഡംബരങ്ങള്ക്ക് ഷെറില് കുറവ് വരുത്താറില്ല. 895 പൗണ്ട് വിലവരുന്ന മള്ബറി ഹാന്ഡ് ബാഗുമായി ഈയിടെ പ്രത്യക്ഷപ്പെട്ട ഷെറില് തന്റെ വിവാഹത്തിന് 1000 പൗണ്ട് വിലയുള്ള ഡിസൈനര് ഗൗണാണ് അണിയാനിരിക്കുന്നത്.
വിവാഹത്തിന് ശേഷം ഷെറിലിന്റെ അടുത്ത പ്ലാന് ഒരു അമേരിക്കന് ടൂര് ആണ്. കാസിനോ നഗരമായ ലാസ് വെഗസ്സ് സന്ദര്ശനത്തിന്റെ വിവരങ്ങള് അടങ്ങിയ ബ്രോഷറുകളുമായി ഷെര്ലിയേയും റോബര്ട്ടിനേയും ഈയിടെ തോംസണ് ട്രാവല് ഏജന്സിയില് നിന്നും ഇറങ്ങിവരുന്നതായി കണ്ടിരുന്നു.
നവേദയിലുടനീളം ചുറ്റിക്കറങ്ങുന്ന ഒരു ഹെലികോപ്റ്റര് യാത്രയ്ക്കും ഇവര് ബുക്ക് ചെയ്തതായി റിപ്പോര്ട്ടുകളുണ്ട്. എന്നാല് സര്ക്കാര് ചെലവില് നടത്തുന്ന ആദ്യ യാത്ര അല്ല ഇത്. ഇതിന് മുമ്പും സ്പെയിനിലെ മെനോര്കയിലേക്ക് ഇവര് 7000 പൗണ്ട് ചെലവ് വരുന്ന ഒരു വിനോദ യാത്ര പോയിരുന്നുവെന്നാണ് റിപ്പോര്ട്ടുകള്. നികുതിദായകരുടെ പണം ഉപയോഗിക്കുന്നതില് യാതൊരു പ്രശ്നവുമില്ല എന്നാണ് ഷെറിലില് പറയുന്നത്.
മറ്റൊരു യുവതിയുമായി റോബര്ട്ടിന് അവിഹിതബന്ധം ഉണ്ടായിരുന്നതിനെ തുടര്ന്നാണ് ഇവര് പിരിഞ്ഞത്. എന്നാല് ഫെബ്രുവരിയില് ഇരുവരും വീണ്ടും ഒന്നിച്ചു വീണ്ടും വിവാഹം കഴിക്കാന് തീരുമാനിക്കുകയായിരുന്നു. ജൂലൈ അവസാനത്തോടെ പന്ത്രാമത്തെ കുഞ്ഞ് എത്തികഴിഞ്ഞാല് പുതിയ വീട്ടിലേക്ക് മാറുന്നതിന്റെ തിരക്കിലാണ് ഇവര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha