ലോക രാജ്യങ്ങള്ക്കു ഇത് പുതിയ ഇന്ത്യ; ചൈനയുടെ അധിനിവേശം ശക്തമായി; സഹായം അഭ്യര്ത്ഥിച്ചു വിയറ്റ്നാം ഇന്ത്യയെ സമീപിച്ചു; 100 ദശലക്ഷം ഡോളര് വിയറ്റ്നാമിന് കടമായി കൊടുത്തു; തെക്കന് ചൈനാ കടലിലെ തര്ക്ക മേഖലയില് ഇനി ഇന്ത്യയും
തെക്കന് ചൈനാ കടലില് തര്ക്ക മേഖലയായ പാരസെല് ദ്വീപുകളില് ചൈന നടത്തുന്ന അധിനിവേശ നടപടികള്ക്കെതിരെ ഇന്ത്യയോട് സഹായം അഭ്യര്ത്ഥിച്ചു വിയറ്റ്നാം. ഇത് ലോക രാജ്യങ്ങള്ക്കിടയില് ഇന്ത്യയുടെ മാറിയ മുഖവും പ്രാധാന്യവും ആണ് വ്യക്തമാക്കുന്നത് .എണ്ണ നിക്ഷേപങ്ങള് ചൂഷണം ചെയ്യുവാന് വേണ്ടി ചൈന ഈ മേഖലയില് കനത്ത അധിനിവേശമാണ് നടത്തി കൊണ്ടിരിക്കുന്നത്. ഗാല്വന് താഴ്വരയില് ചൈനയുടെ അധീശത്വത്തിനെതിരെ എങ്ങനെയാണു ഇന്ത്യ ചെറുത്തു നിന്നതു എന്നും എങ്ങനെ ചൈനക്ക് ശക്തമായ മറുപടി കൊടുത്തു എന്നും ലോക രാജ്യങ്ങള് മുഴുവനും കണ്ടതാണ്. ലോകത്തിലെ ഏറ്റവും വലിയ സൈനിക ശക്തി ആയ അമേരിക്ക മാത്രം ധൈര്യപ്പെടുന്ന ഒരു കാര്യമാണ് ഇന്ത്യയുടെ ഭാഗത്തു നിന്നുമുണ്ടായതു.
ഇന്ത്യയെ അത് വരെ വളരെ അധികം സമാധാനം കാംക്ഷിക്കുന്ന ഒരു രാജ്യമായിട്ടാണ് ലോകം കണ്ടിരുന്നത്. എന്നാല് ചൈനയുടെ നേരെ നട്ടെല്ല് നിവര്ത്തി മുഖമുയര്ത്തി കണ്ണില് നോക്കി നില്ക്കുക മാത്രമല്ല, മുഖമടച്ചു ഒരടി കൊടുക്കുവാനും തങ്ങള്ക്കു ചങ്കൂറ്റം ഉണ്ടെന്നാണ് ഇന്ത്യ ലോകത്തിനു മുന്നില് പ്രവൃത്തിച്ചു കാണിച്ചു കൊടുത്തത്. ഇത് ലോക രാജ്യങ്ങളെ മുഴുവന് ഞെട്ടിച്ചിരുന്നു. ഇന്ത്യയെ കാണുന്ന രീതിക്കു തന്നെ ഗാല്വന് താഴ്വരയിലെ സംഘട്ടനം മാറ്റം വരുത്തിയിരുന്നു. എന്തിനു ചൈന പോലും ഇപ്പോള് ഇന്ത്യയെ പഴയ പോലെ അല്ല കാണുന്നത് . സമ്മര്ദ്ദം ചെലുത്തി കാര്യം സാധിക്കാം എന്ന ചൈനയുടെ അധിനിവേശ നയം ഇന്ത്യയുടെ അടുത്ത് നടക്കില്ല എന്ന് അവര്ക്കു വ്യക്തമായിരിക്കുകയാണ് ചൈനയില് നിന്നും സമാനമായ രീതിയില് അധിനിവേശ ഭീഷണി നേരിടുന്ന എല്ലാ രാജ്യങ്ങള്ക്കും ഒരു പുത്തന് ഉണര്വാണ് ഇത് നല്കിയത്.
മാറിയ ഈ ഇന്ത്യന് മുഖത്തിന്റെ പ്രകടമായ തെളിവാണ് ഇന്ത്യയിലെ വിയറ്റ്നാം സ്ഥാനപതി 'ഫം സാന് ചോ' തെക്കന് ചൈനാ കടലിലെ ദിനം പ്രതി വഷളായി കൊണ്ടിരിക്കുന്ന സുരക്ഷാ സ്ഥിതി ഗതികള് ഇന്ത്യന് വിദേശകാര്യ സെക്രട്ടറി ഹര്ഷ് ശൃംഗലയോടു വിവരിച്ചിരിക്കുന്നത്. ചൈന നിലവില് ഫൈറ്റര് എയര് ക്രഫ്റ്റുകളും, ബോംബര് യുദ്ധ വിമാനങ്ങളും ആണ് ഒന്നോ രണ്ടോ കുഞ്ഞു രാജ്യങ്ങളെ ഭീഷണിപ്പെടുത്താന് മേഖലയില് വിനിയോഗിച്ചിരിക്കുന്നതു. നയതന്ത്ര തലത്തില് വിറ്റ്നാമിന്റെ ഇന്ത്യന് സ്ഥാനപതിയും ഇന്ത്യന് വിദേശ കാര്യ സെക്രട്ടറിയും ആയുള്ള കൂടികാഴ്ച സ്വാഭാവികമായും നടക്കുന്ന സാധാരണ സംഭവം ആയിട്ടാണ് പുറത്തു പറഞ്ഞിരിക്കുന്നത് .എന്നാല് , വിയറ്റ്നാം എന്ന രാജ്യം അവരുടെ മേഖലയില് ഉള്ള ചൈനീസ് അതിക്രമത്തിന്റെ പശ്ചാത്തലത്തില് ഇന്ത്യയും ആയി ശക്തമായതും തന്ത്രപരമായതും ആയ ഒരു ബന്ധം സ്ഥാപിച്ചെടുക്കാനുള്ള ഉദ്യമത്തിന്റെ ഭാഗം ആയുള്ള നടപടി ആയാണ് ഇതിനെ വിലയിരുത്തപ്പെടുന്നത് .
ഇന്ത്യ അല്പകാലം മുന്നേ നിരീക്ഷക ബോട്ടുകള് മേടിക്കുവാന് 100 ദശലക്ഷം ഡോളര് വിറ്റ്നാമിന് കടമായി കൊടുത്തിരുന്നു. പ്രതിരോധ ആവശ്യങ്ങള്ക്ക് ഇന്ത്യയില് നിന്നും യുദ്ധോപകരണങ്ങള് മേടിക്കുവാന് മറ്റൊരു 500 ദശ ലക്ഷം ഡോളര് കൂടെ അനുവദിക്കുവാന് ഇന്ത്യയും വിറ്റ്നാമും തമ്മില് ധാരണ ആയിട്ടുണ്ട്. അത് കൂടാതെ വിയറ്റ്നാം മേഖലയിലെ എന്ന നിക്ഷേപങ്ങളെ പ്രയോജനപ്പെടുത്തുവാന് അവര് ഇന്ത്യയെ ക്ഷണിക്കുകയും ചെയ്തു. ഇത് നമുക്ക് വലിയ ഒരു മുതല്ക്കൂട്ട് ആകും എന്ന കാര്യത്തില് സംശയം എത്തുമില്ല . ചൈന ഈ മേഖലയില് നിലയുറപ്പിച്ചത് തന്നെ മേഖലയിലെ ഉയര്ന്ന എന്ന നിക്ഷേപം മുന്നില് കണ്ടിട്ടാണ്. അതില് കൈ വെക്കാം എന്ന അവരുടെ മോഹങ്ങള്ക്ക് ഇന്ത്യയുടെ സാമീപ്യ തീര്ച്ചയായും വിലങ്ങു തടി ആകും എന്ന കാര്യത്തില് എതിരഭിപ്രായം ഉണ്ടാകാന് സാധ്യതയില്ല.
കഴിഞ്ഞ ജൂലൈ മുതല് അങ്ങേയറ്റം പ്രകോപന പരവും തെമ്മാടിത്തരവുമായ നടപടികളാണ് ചൈന തെക്കന് ചൈനാ കടലില് കൈ കൊള്ളുന്നത്. വലിയ സാമ്പത്തിക സൈനിക ശക്തി ആണെന്ന ധാര്ഷ്ട്യമാണ് അവരെ മുന്നോട്ടു നയിക്കുന്നതും ചെറുരാജ്യങ്ങളുടെ മേല് കുതിര കയറാന് പ്രേരിപ്പിക്കുന്നതും. കഴിഞ്ഞ ജൂലൈ മുതല് മേഖലയില് സൈനിക അഭ്യാസങ്ങളാണ് ചൈന കാഴ്ച വയ്ക്കുന്നത്. എയര് ക്രാഫ്റ്റ് വിമാനങ്ങളും ബോംബറുകളും ആണ് നിലവില് തെക്കന് ചൈനാ കടലില് ചൈന വിന്യസിച്ചിരിക്കുന്നത് . ഇവയുടെ അഭ്യാസം നടക്കുന്ന സമയത്തു ആര്ക്കും ഈ മേഖലയില് കൂടെ നാവിക പര്യടനത്തിന് അനുമതി ചൈന കൊടുക്കുന്നില്ല. ഏതെങ്കിലും തരത്തില് നാവിക പര്യടനത്തിന് അനുമതി വേണമെങ്കില് ചൈനയുടെ കപ്പലിനോട് അനുമതി ചോദിക്കണം എന്ന തിട്ടൂരമാണ് മേഖലയിലെ സമാധാന കാംഷികളായ വിയറ്റ്നാം, ഫിലിപ്പൈന്സ് തുടങ്ങിയ കുഞ്ഞു രാജ്യങ്ങള്ക്ക് ചൈന നല്കിയിരിക്കുന്നത് . ഐക്യ രാഷ്ട്ര സംഘടനയുടെ വിധി തങ്ങള്ക്കു എതിരായിരുന്നിട്ടു പോലും അതിനൊന്നും പുല്ലു വില പോലും കല്പ്പിക്കാതെ തെക്കന് ചൈനാ കടല് മുഴുവനായും തങ്ങളുടേതാണെന്ന വിചിത്ര വാദമാണ് ചൈന പുറത്തെടുക്കുന്നത്.
മേഖലയിലെ അമേരിക്കന് സാന്നിധ്യത്തിന് തടയിടുക എന്ന വ്യാജേനെ എച്ച് 6 ജെ ബോംബര് വിമാനത്തെ ഈ മാസം ആദ്യം തര്ക്ക മേഖലയിലെ ഏറ്റവും വലുതായ വൂഡി ദ്വീപില് ചൈന വിന്യസിക്കുക ഉണ്ടായി .ചൈനയുടെ ഈ ഏകാധിപത്യ പരമായ ദാര്ഷ്ട്യത്തില് നിന്നും രക്ഷ നേടുവാന് ആണ് ഇപ്പോള് ണ് നിലവില് വിയറ്റ്നാം ഇന്ത്യയുടെ സഹായം തേടിയിരിക്കുന്നത് . എന്നാല് പാരസെല് ദ്വീപുകളില് യഥാര്ത്ഥത്തില് അവകാശം ഉള്ള വിയറ്റ്നാം പറയുന്നത് ചൈന തങ്ങളുടെ രാജ്യത്തിന്റെ പരമാധികാരത്തില് കടന്നു കയറുക മാത്രമല്ല മേഖലയിലെ സമാധാന അന്തരീക്ഷത്തിനു തന്നെ തുരങ്കം വയ്ക്കുക ആണെന്നാണ് .ഇപ്പൊ ചൈന കൈവശം വച്ചിരിക്കുന്ന വൂഡി ദ്വീപുകള് ചൈനയുടെ ഏതെങ്കിലും തരത്തിലുള്ള പരമാധികാര പ്രദേശത്തു നിന്നും 180 കിലോമീറ്റര് അകലെയാണ് സ്ഥിതി ചെയ്യുന്നത് .
ഈ ലോകം മുഴുവന് തങ്ങളുടേത് ആകണം , ലോകത്തു ചൈനീസ് സര്വാധിപത്യം വരണം എന്നാണ് ചൈന ആഗ്രഹിക്കുന്നത്. അവരുടെ ഭ്രാന്തന് പ്രെസിഡെന്റ് ഷി ജിന് പിങ്ങിന്റെ നേതൃത്വത്തില് അവര് മുഴുവന് ലോക രാജ്യങ്ങളുമായി യുദ്ധത്തില് ഏര്പ്പെട്ടിരിക്കുകയാണ്. കുഞ്ഞു രാജ്യങ്ങളെ ഭയപ്പെടുത്തി കാര്യം നേടാം എന്നാണ് ചൈന കരുതുന്നത് . എന്നാല് ഇന്ത്യയുടെ മേഖലയിലെ സാനിധ്യം ചൈനീസ് മോഹങ്ങള്ക്ക് കടിഞ്ഞാണ് ഇടുക തന്നെ ചെയ്യും .മേഖലയില് നിലവില് തന്നെ ഇടപെടലുകള് നടത്തുന്ന അമേരിക്കയ്ക്ക് ഇന്ത്യ ഈ വിഷയത്തില് ഇടപെടുന്നതു കരുത്തു പകരും.
https://www.facebook.com/Malayalivartha