ആപ്പിള് ലോഗോയില് മൂത്രമൊഴിക്കുന്ന സംഭവത്തില് ഗൂഗിള് ഖേദം പ്രകടിപ്പിച്ചു
ആപ്പിള് ലോഗോയില് മൂത്രമൊഴിക്കുന്ന ആന്ഡ്രോയിഡ് ചിത്രീകരിച്ച സംഭവത്തില് ഗൂഗിള് ഖേദം പ്രകടിപ്പിച്ചു. ഗൂഗിള് മാപ്സിലാണ് വിവാദ ചിത്രീകരണം പ്രത്യക്ഷപ്പെട്ടത്. വിവാദ ദൃശ്യം ഒരു യൂസര് സൃഷ്ടിച്ചതാണെന്നും സംഭവം ശ്രദ്ധയില്പ്പെട്ട ഉടന് അത് നീക്കം ചെയ്തതായും ഗൂഗിള് പ്രസ്താവനയില് പറഞ്ഞു. ഗൂഗിള് മാപ്സില് പാക്കിസ്താന് നഗരമായ റാവല്പിണ്ടിക്ക് സമീപമാണ് ആന്ഡ്രോയിഡ് റോബോട്ട് ആപ്പിള് ലോഗോയില് മൂത്രമൊഴിക്കുന്നതായ ദൃശ്യം പ്രത്യക്ഷപ്പെട്ടത്.
മാപ്പ് മേക്കര് പ്രോഗ്രാം ഉപയോഗിച്ച് യൂസര്മാര്ക്ക് ഗൂഗിള് മാപ്സില് ഫീച്ചറുകളും ഉള്ളടക്ക വിവരങ്ങളും ചേര്ക്കാന് അനുമതിയുണ്ട്. ഇത് ഉപയോഗിച്ചാണ് അജ്ഞാതന് വിവാദ ദൃശ്യം സൃഷ്ടിച്ചത്. ഇത്തരത്തിലുള്ള വിവാദ തിരുത്തലുകളും കുട്ടിച്ചേര്ക്കലുകളും കണ്ടെത്താനും തടയാനുമുള്ള മാര്ഗങ്ങള് മെച്ചപ്പെടുത്തേണ്ടതുണ്ടെന്ന് ഈ സംഭവം വ്യക്തമാക്കുന്നതായി ഗൂഗിള് വക്താവ് മാര ഹാരിസ് പറഞ്ഞു.
ഗൂഗിള് മാപ്സില് കഴിഞ്ഞയിടെ വൈറ്റ് ഹൗസിനെ എഡ്വേര്ഡ് സ്നോ ഡെന് എന്ന് മാറ്റിയതും വിവാദമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha