ഇനി ഡ്രൈവിങ് ലൈസന്സ് പുതുക്കാനും പരീക്ഷ ജയിക്കണം
ഇനിമുതല് ഡ്രൈവിങ് ലൈസന്സ് പുതുക്കാനും പരീക്ഷ ജയിക്കണം.കേന്ദ്രസര്ക്കാരിന്റെ നിര്ദിഷ്ട ഗതാഗത സുരക്ഷാബില് നിയമമായാല് െ്രെഡവിങ് ലൈസന്സ് നേടുന്നതിന് കര്ശന നിയന്ത്രണങ്ങളാവും വരിക. സ്വകാര്യ ഏജന്സികള് കമ്പ്യൂട്ടര്വത്കൃത സെന്ററുകളില് നടത്തുന്ന പരീക്ഷ ജയിച്ചാലെ പുതിയ ലൈസന്സിന് അപേക്ഷിക്കാനാകൂ. നിലവിലുള്ളവ പുതുക്കിക്കിട്ടാനും ഈ െ്രെഡവിങ് ക്ഷമതാ പരീക്ഷ ജയിക്കണം.
എന്നാല് ബില്ലിനെതിരെ ഗതാഗതരംഗത്തെ സംഘടനകള് രംഗത്ത് വന്നിട്ടുണ്ട്. ഈ മാസം 30 ന് വാഹനപണിമുടക്ക് അടക്കമുള്ള പ്രതിഷേധം നടത്താനും വിവിധ സംഘടനകള് തീരുമാനിച്ചിട്ടുണ്ട്. ബില്നടപ്പാക്കിയാല് ഗതാഗതമേഖല പൂര്ണമായും കുത്തകകമ്പനികള് നിയന്ത്രിക്കുന്ന സ്ഥിതിയിലെത്തുമെന്നാണ് സംഘടനകളുടെ ആരോപണം.
നിയമം നിലവില് വന്നാല് ആറുമാസത്തിനുള്ളില് ഏകീകൃത ലൈസന്സിങ് സമ്പ്രദായത്തിന് രൂപം നല്കണമെന്നും അത് ഒരു വര്ഷത്തിനുള്ളില് നടപ്പാക്കണമെന്നുമാണ് നിര്ദേശം. സ്വകാര്യ ആവശ്യത്തിന് ഉപയോഗിക്കുന്ന വാഹനങ്ങളും ഫിറ്റ്നസ് സര്ട്ടിഫിക്കറ്റ് നേടിയിരിക്കണമെന്നതാണ് ബില്ലിലെ മറ്റൊരു വ്യവസ്ഥ. െ്രെഡവിങ് ലൈസന്സ് പുതുക്കുന്നതിന് ഓരോതരം വാഹനം ഓടിക്കുന്നതിന് പ്രത്യേകം ടെസ്റ്റ് ജയിക്കണം.
െ്രെഡവിങ് സ്കൂളുകള്, ചെറുകിട വര്ക് ഷോപ്പുകള് അടക്കമുള്ളവയെ ബാധിക്കുന്നതിനൊപ്പം പൊതുവാഹനങ്ങളില് കണ്ടക്ടര് അടക്കമുള്ള തസ്തികകള് ഇല്ലാതാവുകയും ചെയ്യുമെന്നാണ് മറ്റൊരു വിലയിരുത്തല്. നിര്ദിഷ്ട െ്രെഡവര് ട്രെയിനിങ് സെന്ററുകള് നിര്മിക്കുന്നതിന് സ്വന്തമായി മൂന്ന് ഏക്കര് വരെ ഭൂമിയും വന് മുതല്മുടക്കും ആവശ്യമാണ്. വിദേശരാജ്യങ്ങളിലെപോലെ കണ്ടക്ടര് ഇല്ലാത്ത ബസ്സുകള് എന്ന സമ്പ്രദായം രാജ്യത്ത് നിലവില് വരും. വാഹന നിര്മാണവും സ്പെയര് പാര്ട്സ് നിര്മാണവും ദേശീയ തലത്തില് അംഗീകരിച്ചിട്ടുള്ള ഏജന്സികള് മാത്രമേ നിര്വഹിക്കാനാവു. കെ.എസ്.ആര്.ടി.സി. പോലെയുള്ള പൊതുഗതാഗത സംവിധാനം തകരുമെന്നും സ്വകാര്യ കമ്പനികള് ഈ രംഗം കൈയടക്കുമെന്നും ചൂണ്ടിക്കാണിക്കപ്പെടുന്നു.
അധികഭാരം കയറ്റുന്ന ചരക്കുവാഹനങ്ങള്, നിശ്ചിത എണ്ണത്തില് കൂടുതല് ആളുകളെ കയറ്റുന്ന യാത്രാവാഹനങ്ങള് എന്നിവയ്ക്കെതിരെ ടോള് ഓപ്പറേറ്റര്മാര്ക്കും നടപടി സ്വീകരിക്കാം. റോഡ് അപകടങ്ങള്ക്കിരയാവുന്നവരെ അടിയന്തര വിദഗ്ദ്ധ ചികിത്സയ്ക്ക് സ്വന്തം ചെലവില് വിധേയരാക്കേണ്ട ഉത്തരവാദിത്വം ഇന്ഷുറന്സ് കമ്പനികള്ക്കായിരിക്കും. ലൈസന്സ് ഇല്ലാതെ വണ്ടി ഓടിച്ചാല് നിര്ബന്ധ സാമൂഹിക സേവനം അടക്കമുള്ള ശിക്ഷകളും ബില്ലില് വ്യവസ്ഥ ചെയ്തിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha