മദ്യം നല്‍കാത്തതിന് യാത്രക്കാരന്‍ സീറ്റിനോട് ദേഷ്യം തീര്‍ത്തു.അപ്രതീക്ഷിതമായാണ് ചില നാടകീയ രംഗങ്ങള്‍ വിമാനത്തില്‍ അരങ്ങേറിയത്. മറ്റ് യാത്രക്കാര്‍ ഈ നാടകീയ രംഗങ്ങള്‍ അതിശയതോടെയാണ് വീക്ഷിച്ചത്. വിമാനം ജീവനക്കാര്‍ മദ്യ നല്‍കാന്‍ വിസമ്മതിക്കുകയായിരുന്നു. തുടര്‍ന്ന് യാത്രക്കാരന്‍ വിമാനത്തിന്റെ സീറ്റ് വലിച്ച് കീറുകയായിരുന്നു. ഞായറാഴ്ച രാത്രി റിയാദില്‍ നിന്ന് കോഴിക്കോട്ടേക്ക് വന്ന എയര്‍ ഇന്ത്യ (എഐ 94) വിമാനത്തിലാണ് സംഭവമുണ്ടായത്.

തടത്തില്‍ നിജേഷ് എന്ന യാത്രക്കാരനാണ് മദ്യലഹരിയില്‍ വിമാനത്തില്‍ ഭീകരാന്തരീക്ഷം സൃഷ്ടിച്ചത്. അമിതമായി മദ്യപിച്ചിരുന്ന ഇയാള്‍ വീണ്ടും മദ്യം ആവശ്യപ്പെട്ടെങ്കിലും വിമാനജോലിക്കാര്‍ നല്‍കാന്‍ വിസമ്മതിച്ചു. തുടര്‍ന്ന് വിമാനജോലിക്കാരെയും സഹയാത്രികരെയും ആക്രമിക്കാന്‍ മുതിര്‍ന്ന ഇയാള്‍ തന്റെ സീറ്റിന്റെ ആംറെസ്റ്റുകള്‍ തകര്‍ക്കുകയായിരുന്നു. വിമാനം കോഴിക്കോട്ട് ഇറങ്ങിയ ഉടന്‍ ഇയാളെ സിഐഎസ്എഫിനു കൈമാറുകയായിരുന്നുവെന്ന് എയര്‍ ഇന്ത്യ അധികൃതര്‍ പറഞ്ഞു.

വിമാനം അറ്റകുറ്റപ്പണികള്‍ നടത്തിയ ശേഷമാണ് തിരിച്ചു പോയത്. ഇന്ത്യയില്‍ നിന്നുളള അന്താരാഷ്ട്ര സര്‍വീസുകളില്‍ ഒരാഴ്ചക്കുളളില്‍ രണ്ടാം തവണയാണ് യാത്രക്കാര്‍ അപമര്യാദയായി പെരുമാറിയ സംഭവങ്ങള്‍ റിപ്പോര്‍ട്ടു ചെയ്യുന്നത്. ഏപ്രില്‍ 23 ന് മുംബൈയില്‍ നിന്നുളള ഒരു യാത്രക്കാരി സീറ്റിനു പിന്നിലിരുന്ന യാത്രക്കാരന്‍ അപമര്യാദയായി പെരുമാറിയെന്ന് പരാതിപ്പെട്ടിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha