ഡോക്ടര്‍ വന്ദനാ ദാസിനെ കൊലപ്പെടുത്തിയ കേസില്‍ പ്രതിഭാഗം നല്‍കിയ വിടുതല്‍ ഹര്‍ജിയും കുറ്റപത്രത്തിന്മേലുള്ള വാദവും കോടതി ഇരുപത്തിരണ്ടിലേക്ക് മാറ്റി
ഡോക്ടര്‍ വന്ദനാ ദാസിനെ കൊലപ്പെടുത്തിയ കേസില്‍ പ്രതിഭാഗം നല്‍കിയ വിടുതല്‍ ഹര്‍ജിയും കുറ്റപത്രത്തിന്മേലുള്ള വാദവും കോടതി ഇരുപത്തിരണ്ടിലേക്ക് മാറ്റി.
കുറ്റപത്രത്തിലെ ആരോപണങ്ങള്‍ ചോദ്യം ചെയ്താണ് പ്രതിഭാഗം വിടുതല്‍ ഹര്‍ജി നല്‍കിയിട്ടുള്ളത്. ഡോക്ടര്‍ വന്ദന ദാസ് കൊല്ലപ്പെട്ടിട്ട് ഒരു വര്‍ഷം പൂര്‍ത്തിയാകുന്നു. കഴിഞ്ഞ വര്‍ഷം മേയ് പത്തിന് കൊട്ടാരക്കര താലൂക്കാശുപത്രിയില്‍ വച്ചാണ് കോട്ടയം മുട്ടുച്ചിറ സ്വദേശിനി ഡോക്ടര്‍ വന്ദനാ ദാസ് കൊല്ലപ്പെട്ടത്.
കൊല്ലം അഡീഷനല്‍ സെഷന്‍സ് കോടതിയില്‍ വിചാരണ നടപടികള്‍ തുടങ്ങുന്നതിന് മുന്നോടിയായി ജുഡീഷ്യല്‍ കസ്റ്റഡിയില്‍ കഴിയുന്ന പ്രതി കുടവട്ടൂര്‍ സ്വദേശി സന്ദീപിനെ കോടതിയില്‍ ഹാജരാക്കുകയും ചെയ്തു.
ഡോക്ടര്‍ വന്ദനയെ ഉപദ്രവിക്കാനായി ശ്രമിച്ചുവെന്ന ഒരു കുറ്റം മാത്രമാണ് പ്രതി ചെയ്തതെന്നാണ് ഹര്‍ജിയില്‍ പറയുന്നത്. കത്രികകൊണ്ടുള്ള മുറിവുകള്‍ മരണകാരണമാകില്ല. കൃത്യമായ സമയത്തു പരിചരണം നല്‍കാന്‍ ആരോഗ്യ പ്രവര്‍ത്തകര്‍ക്കും പോലീസിനും കഴിഞ്ഞില്ല. ഇക്കാര്യങ്ങളാണ് വിടുതല്‍ ഹര്‍ജിയില്‍ പറഞ്ഞിരിക്കുന്നതെന്നു പ്രതിഭാഗം അഭിഭാഷകന്‍ ബി.എ.ആളൂര്‍.
https://www.facebook.com/Malayalivartha
