പിതാവ് കാത്തു വച്ച സമ്പാദ്യം അപ്രതീക്ഷിതമായി വീണ്ടെടുക്കാന് കഴിഞ്ഞതിന്റെ സന്തോഷത്തില് ഡോ.പ്രസന്നന്
കടമാഞ്ചിറ വാഴയില് ഡോ.വി.എസ്.പ്രസന്നന്റെ പിതാവ് വി.ജി.ശ്രീധരന് 6 വര്ഷം മുന്പ് മരിച്ചു. സ്റ്റാംപ്, നാണയങ്ങള് എന്നിവ ശേഖരിക്കുന്ന സ്വഭാവമുള്ള ഡോ.പ്രസന്നന് പിതാവിന്റെ സ്വകാര്യശേഖരങ്ങളില് നടത്തിയ തിരച്ചിലില് പിതാവിന്റെ പക്കലുണ്ടായിരുന്ന അമൂല്യമായ ഒരു വസ്തു കണ്ടെടുത്തു. പോസ്റ്റല് സ്റ്റാംപില് ഇടം നേടുന്ന ആദ്യ മലയാളിയെന്ന ബഹുമതിയോടെ 1967-ല് ശിവഗിരി മഠത്തില് വച്ചു പുറത്തിറക്കിയ ശ്രീനാരായണ ഗുരുവിന്റെ ചിത്രമുള്ള സ്റ്റാംപുകളാണു പിതാവ് വി.ജി.ശ്രീധരന്റെ ശേഖരത്തില് നിന്ന് ഡോ.പ്രസന്നന് കഴിഞ്ഞ ദിവസം കണ്ടെടുത്തത്.
മുന് മുഖ്യമന്ത്രി ആര്.ശങ്കറുമായുള്ള അടുപ്പമാണ് കോണ്ഗ്രസ് പ്രവര്ത്തകനായിരുന്ന ശ്രീധരനു അമൂല്യമായ ഈ സ്റ്റാംപുകള് ലഭിക്കാന് കാരണമായത്. 1967 ഓഗസ്റ്റ് 21-ന് ശിവഗിരി മഠത്തില് നടന്ന ചടങ്ങില് അന്നത്തെ പ്രധാനമന്ത്രി ഇന്ദിരാഗാന്ധിയാണ് സ്റ്റാംപ് പ്രകാശനം ചെയ്തത്. അതേ വേദിയില് നിന്നു തന്നെയാണ് 52 സ്റ്റാംപുകള് ശ്രീധരനു ലഭിച്ചത്.
2009-ല് ശിവഗിരി മഠത്തില് വച്ചു ശ്രീലങ്കന് പോസ്റ്റല് സ്റ്റാംപില് ഇടം നേടിയ ആദ്യ മലയാളിയെന്ന ബഹുമതിയോടെ പുറത്തിറക്കിയ സ്റ്റാംപ് ഡോ.പ്രസന്നന് ഉദ്ഘാടന വേദിയില് വച്ചുതന്നെ സ്വന്തമാക്കിയിരുന്നു. ശ്രീനാരായണ ഗുരുവിന്റെ 150-ാമത് ജന്മവാര്ഷികത്തോടനുബന്ധിച്ച് റിസര്വ് ബാങ്ക് ഓഫ് ഇന്ത്യ ഇതേ വേദിയില് വച്ച് പുറത്തിറക്കിയ ശ്രീനാരായണ ഗുരുവിന്റെ ചിത്രം ആലേഖനം ചെയ്ത 100 രൂപ, 5 രൂപ നാണയങ്ങളും ഡോ.പ്രസന്നന് സ്വന്തമാക്കിയിട്ടുണ്ട്.
വര്ഷങ്ങള് നീണ്ട പരിശ്രമത്തിലൂടെ വിവിധ രാജ്യങ്ങളിലെ നാണയങ്ങളും സ്റ്റാംപുകളും ശേഖരിക്കാന് സാധിച്ചിട്ടുണ്ടെങ്കിലും പിതാവ് കാത്തു വച്ച സമ്പാദ്യം നശിച്ചു പോകാതെ വീണ്ടെടുക്കാന് കഴിഞ്ഞതാണ് ഏറെ സന്തോഷം നല്കുന്നതെന്നു ഡോ.പ്രസന്നന് പറയുന്നു.
https://www.facebook.com/Malayalivartha