ബോളിവുഡ് നടന്‍ സല്‍മാന്‍ ഖാനെ ജയിലിലിടാന്‍ പോകുന്നുവെന്ന് വിധി വന്നപ്പോള്‍ ബോളിവുഡ് മാത്രമല്ല സങ്കടപ്പെട്ടത്. സല്‍മാന്റെ ചില ആരാധകരും വിധി കേട്ട് ഞെട്ടിപോയി. മദ്യപിച്ച് വാഹനമോടിച്ച് വഴിയരികില്‍ ഉറങ്ങികിടന്നയാളുടെ മരണത്തിന് ഇടയാക്കിയ സംഭവത്തിലാണ് സല്‍മാന് അഞ്ച് വര്‍ഷം തടവിന് ശിക്ഷ കോടതി വിധിച്ചത്. സല്‍മാന് പിന്തുണയുമായി നിരവധി പേര്‍ രംഗത്തെത്തി. പാക് ആരാധകരും സല്‍മാന്റെ വിധി കേട്ട് ഞെട്ടി. സല്‍മാനൊപ്പം താനും ജയിലില്‍ പോകാന്‍ തയ്യാറാണെന്നാണ് തുറന്ന് പറഞ്ഞ് സല്‍മാന്റെ അതേ രൂപഭാവമുള്ള ആരാധകന്‍ ഹുസ്‌നെയ്ന്‍ സലീം മുന്നോട്ട് വന്നു.
ഇക്കാര്യം ആവശ്യപ്പെട്ട് സലീം ഹാജിപുരയിലെ പൊലീസ് സ്‌റ്റേഷനെ സമീപിക്കുകയും ചെയ്തു. എന്നാല്‍ സലീമിന്റെ ആവശ്യം തള്ളിയ പൊലീസ് സല്‍മാനെ ഇന്ത്യന്‍ ശിക്ഷാ നിയമപ്രകാരമാണ് ശിക്ഷിച്ചതെന്നും മറുപടി നല്‍കി. എന്നാല്‍ തന്നെ അറസ്റ്റ് ചെയ്ത് ജയിലില്‍ അടയ്ക്കണമെന്ന ശാഠ്യത്തിലായിരുന്നു സലീം. സല്‍മാന്‍ ഖാന്‍ തടവുശിക്ഷ ലഭിക്കുമ്പോള്‍ താന്‍ പുറത്ത് സ്വതന്ത്രനായി നടക്കുന്നത് നീതിയുക്തമല്ല. തന്റെ പ്രിയതാരം അനുഭവിക്കുന്ന ദുഖങ്ങള്‍ തനിക്കും അനുഭവിക്കണമെന്ന് സലീം പറയുന്നു. എന്നാല്‍ സലീമിന്റേത് പബ്ലിസിറ്റ് സ്റ്റണ്ട് ആണെന്നാണ് ചിലരുടെ ആരോപണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha