രാമക്ഷേത്രത്തിന് രാഷ്ട്രപതിയുടെ അഞ്ചു ലക്ഷം; ഫണ്ടിലേക്ക് ഓരോ ദിവസവും ഒഴുകിയെത്തുന്നത് കോടികള്; പണത്തിന് പുറമേ സംഭാവനയാണ് സ്വര്ണവും വെള്ളിയും; 10 കോടിയോളം കുടുംബങ്ങളില് നിന്നും സംഭാവന; സംഭാവനയുടെ കണക്ക് സൂക്ഷിക്കാന് മൊബൈല് ആപ്പ്
രാമക്ഷേത്ര നിര്മാണത്തിന് 5,00,100 രൂപ സംഭാവന നല്കി രാഷ്ട്രപതി രാംനാഥ് കോവിന്ദ്. ഇന്നലെ മുതലാണ് രാമക്ഷേത്ര നിര്മാണത്തിന് ദേശീയ തലത്തില് ഫണ്ട് ശേഖരണം ആരംഭിച്ചത്. മകര സംക്രാന്തി ദിനത്തില് ആരംഭിച്ച ഫണ്ട് ശേഖരണം മാഗ് പൂര്ണിമ ദിനമായ ഫെബ്രുവരി 27ന് അവസാനിക്കും. രാമഭക്തന്മാരുടെ പണം ഉപയോഗിച്ചായിരിക്കും രാമക്ഷേത്രം നിര്മിക്കുകയെന്ന് സമിതി വ്യക്തമാക്കിയിരുന്നു. രാമക്ഷേത്ര നിര്മാണം ആരംഭിക്കുന്നുവെന്ന വാര്ത്തകള് പുറത്തുവന്നതിന് പിന്നാലെ തന്നെ കോടിക്കണക്കിന് രൂപ ട്രസ്റ്റിലേക്ക് എത്തിയിരുന്നു. ദിനംപ്രതി കോടികളാണ് ക്ഷേത്ര നിര്മാണത്തിനായി എത്തുന്നത്. പണത്തിന് പുറമെ സ്വര്ണവും വെള്ളിയുമെല്ലാം സംഭാവനയാണ് ലഭിക്കുന്നുണ്ടെന്ന് ട്രസ്റ്റ് ഭാരവാഹികള് അറിയിച്ചു.
സുതാര്യത ഉറപ്പുവരുത്താന് 20,000 രൂപയ്ക്ക് മുകളിലുള്ള തുക ചെക്കുകള് വഴി ശേഖരിക്കുമെന്ന് വിഎച്ച്പി നേതാവ് അലോക് കുമാര് നേരത്തെ പറഞ്ഞിരുന്നു. 5,25,000 ഗ്രാമങ്ങളില് ഫണ്ട് ശേഖരണ കാമ്പയിന് നടത്തുമെന്നും ശേഖരിക്കുന്ന പണം 48 മണിക്കൂറിനുള്ളില് ബാങ്കുകളില് നിക്ഷേപിക്കുമെന്നുമാണ് റിപ്പോര്ട്ടുകള്. രാമക്ഷേത്ര നിര്മാണം ആരംഭിക്കുന്നുവെന്ന വാര്ത്തകള് പുറത്തുവന്നതിന് പിന്നാലെ തന്നെ കോടിക്കണക്കിന് രൂപ ട്രസ്റ്റിലേക്ക് എത്തിയിരുന്നു. പണത്തിന് പുറമെ സ്വര്ണവും വെള്ളിയുമെല്ലാം സംഭാവന ലഭിച്ചിട്ടുണ്ട്.
രാമക്ഷേത്രം നിര്മ്മിക്കാന് അഞ്ച് ലക്ഷം ഗ്രാമങ്ങളിലെ 10 കോടിയോളം കുടുംബങ്ങളില് നിന്നും സംഭാവന സ്വീകരിക്കാന് ആര്എസ്എസ് മുന്നിട്ടിറങ്ങിയിരുന്നു. ഏറ്റവും കുറഞ്ഞ സംഭാവന 10 രൂപയാണ്. അതെ സമയം 10 മുതല് എത്ര രൂപ വേണമെങ്കിലും ജനങ്ങള് സ്വമേധയാ സംഭാവന ചെയ്യാം. രാമക്ഷേത്ര നിര്മ്മാണത്തിനായി രാജ്യത്തുടനീളം ജനങ്ങളുമായി സമ്പര്ക്കം പുലര്ത്താനുള്ള ഒരു ബൃഹല് പദ്ധതി വിഎച്ച്പിയും നേരത്തെ കൈക്കൊണ്ടിരുന്നു. ഇതിന്റെ ഭാഗമായിയുള്ള ആര്എസ്എസ് വിഎച്ച്പി ജനസമ്പര്ക്ക പരിപാടിയാണ് ഇന്നലെ ആരംഭിച്ചത്.
കേരളത്തിലും ഇന്നലെ മുതല് ഗൃഹസമ്പര്ക്ക പരിപാടി ആരംഭിച്ചിട്ടുണ്ട്. സംഘപരിവാറിനുപുറത്തുള്ള പ്രമുഖ വ്യക്തികങ്ങളെ ഉള്പ്പെടുത്തി പഞ്ചായത്ത്, ജില്ലാ തലങ്ങളിലും സംസ്ഥാനതലത്തിലും പ്രത്യേക സമിതികള് രൂപവത്കരിച്ചാണ് പരിപാടിയുമായി ആര്.എസ്.എസ് മുന്നോട്ട് നീങ്ങുന്നത്. സംഭാവന നല്കുന്നവരുടെ പേരും മേല്വിലാസവും തുകയും പ്രത്യേകം തയ്യാറാക്കിയ മൊബൈല് ആപ്പില് രേഖപ്പെടുത്തുന്നുണ്ട്. തുക അന്നന്നുതന്നെ ട്രസ്റ്റിന്റെ അക്കൗണ്ടിലേക്ക് മാറ്റും. ഗൃഹസമ്പര്ക്കത്തിലൂടെ ധനസമാഹരണത്തിനുപുറമേ രാഷ്ട്രീയപ്രചാരണമാണ് സംഘപരിവാര് ലക്ഷ്യമിടുന്നത്. നീണ്ടകാലത്തെ നിയമ പോരാട്ടങ്ങള്ക്ക് ഒടുവില് കഴിഞ്ഞ ആഗസ്റ്റ് മാസത്തിലാണ് പ്രധാനമന്ത്രി നരേന്ദ്രമോദി രാമക്ഷേത്രത്തിന് തറക്കല്ലിട്ടത്.
https://www.facebook.com/Malayalivartha