13 വയസുകാരനെ ആദ്യം നിര്ബന്ധിത ലിംഗമാറ്റ ശസ്ത്രക്രിയ വിധേയമാക്കി; പിന്നീട് വര്ഷങ്ങളോളം കൂട്ടബലാത്സംഗം ചെയ്തു; പുറലോകം അറിയിയുന്നത് കുട്ടി രക്ഷപ്പെട്ട് വനിതാ കമ്മീഷന് മുന്നില് എത്തിയപ്പോള്; കുട്ടിയുടെ ഞെട്ടിപ്പിക്കുന്ന വെളിപ്പെടുത്തല് ഇങ്ങനെ; സംഭവത്തില് രണ്ടു പേരെ പോലീസ് അറസ്റ്റു ചെയ്തു
13 വയസ്സുകാരനോട് നാലംഗ സംഘം നടത്തിയ ഞെട്ടിപ്പിക്കുന്ന പീഡനമാണ് പുറത്ത് വരുന്നത്. 13 വയസ്സുകാരനെ ബലമായി ലിംഗമാറ്റ ശസ്ത്രക്രിയയ്ക്ക് വിധേയമാക്കുകയും വര്ഷങ്ങളോളം ബലാത്സംഗം ചെയ്തതായിയാണ് പരാതി. വര്ഷങ്ങളായി നാലു പേര് ചേര്ന്ന് കുട്ടിയെ ബലാത്സംഗത്തിന് വിധേയമാക്കുകയായിരുന്നെന്നാണ് ഞെട്ടിപ്പിക്കുന്ന വെളിപ്പെടുത്തല്. കിഴക്കന് ഡല്ഹിയിലെ വനിതാ കമ്മിഷന്റേതാണ് ഞെട്ടിക്കുന്ന വാര്ത്ത പുറത്ത് വിട്ടത്.
മൂന്നു വര്ഷം മുന്പ് ഒരു നൃത്ത പരിപാടിയില് വച്ചാണ് 13 വയസ്സുള്ള കുട്ടി ഈ നാലു പേരെ പരിചയപ്പെടുന്നത്. തുടര്ന്ന് നൃത്തം അഭ്യസിപ്പിക്കാമെന്ന് പറഞ്ഞ് ഇവര് കൂടെ കൊണ്ടുപോയി. ചില നൃത്തപരിപാടികളില് പങ്കെടുക്കുകയും പണം നല്കുകയും ചെയ്തതായി കുട്ടി പറഞ്ഞു. എന്നാല് പിന്നീട് ഈ സംഘത്തിനൊപ്പം ജീവിക്കേണ്ട അവസ്ഥയിലായി.
ഇവര് കുട്ടിയെ മയക്കുമരുന്നിന് അടിമയാക്കുകയും ബലം പ്രയോഗിച്ച് ലിംഗമാറ്റ ശസ്ത്രക്രിയയ്ക്ക് വിധേയനാക്കുകയും ചെയ്തു. ശസ്ത്രക്രിയയ്ക്കു ശേഷം ചില ഹോര്മോണുകള് കുത്തിവച്ചതോടെ തന്റെ മാറ്റം വളരെപെട്ടെന്നായിരുന്നുവെന്ന് കുട്ടി പറയുന്നു. തുടര്ന്ന് സംഘം കൂട്ടബലാത്സംഗത്തിന് വിധേയമാക്കിയതായും വനിത കമ്മിഷന് പറഞ്ഞു. ഇവര്ക്കു പുറമേ 'കസ്റ്റമര്'മാരായി വന്ന നിരവധി പേര് ബലാത്സംഗം ചെയ്തതായും കുട്ടി വെളിപ്പെടുത്തി.
സംഭവിച്ച കാര്യങ്ങള് പുറത്തു പറഞ്ഞാല് തന്നെയും കുടുംബത്തെയും കൊല്ലുമെന്ന് ഇവര് ഭീഷണിപ്പടുത്തിയിരുന്നു.
ഇതിനിടെ കുറച്ച് മാസങ്ങള്ക്കു ശേഷം പരിചയമുള്ള മറ്റൊരു കുട്ടിയെ നാല്വര് സംഘം താവളത്തിലേക്ക് കൊണ്ടുവന്നു. ഒരിക്കല് സാധനങ്ങള് വാങ്ങാനായി ചന്തയിലേക്കു പോയപ്പോള് അമ്മയെ കാണാന് കുട്ടിയ്ക്ക് സാധിച്ചെങ്കിലും പോലീസില് വിവരം അറിയിക്കാനുള്ള ധൈര്യം ഇല്ലാത്തതിനാല് തിരികെയെത്തി. ലോക്ഡൗണ് കാലത്ത് അവിടെനിന്ന് രക്ഷപ്പെട്ട കുട്ടി അമ്മയ്ക്കരികില് വീണ്ടുമെത്തി. എന്നാല് ഡിസംബറില് അവരെ കണ്ടെത്തിയ നാല്വര് സംഘം ക്രൂരമായി മര്ദിക്കുകയും തിരികെ കൊണ്ടുപോയി വീണ്ടും പീഡനത്തിന് ഇരയാക്കുകയും അമ്മയെ തോക്കു ചൂണ്ടി കൊല്ലുമെന്ന് ഭീഷണിപ്പെടുകത്തുകയും ചെയ്തു.
രണ്ടു ദിവസത്തിനു ശേഷം വീണ്ടു അവരുടെ താവളത്തില് നിന്നു രക്ഷപ്പട്ട ഇവരെ പിന്നീട് റെയില്വേ സ്റ്റേഷനില് വച്ച് ഒരു അഭിഭാഷകനാണ് വനിത കമ്മിഷന് അരികിലെത്തിച്ചത്. തുടര്ന്ന് കുട്ടികളെ ലൈംഗികമായി പീഡിപ്പിച്ചെന്ന പരാതിയില് എഫ്ഐആര് റജിസ്റ്റര് ചെയ്ത് അന്വേഷണം ആരംഭിച്ചു. സംഭവത്തില് രണ്ടു പേരെ പോലീസ് അറസ്റ്റു ചെയ്തിട്ടുണ്ട്. കൂടുതല് പേര്ക്കുവേണ്ടിയുള്ള അന്വേഷണത്തിലാണ് ഡല്ഹി പോലീസ്.
https://www.facebook.com/Malayalivartha